Ingabe IZwi LikaNkulunkulu Linamandla Ekuphileni Kwakho Kwansuku Zonke?

Ukufunda iBhayibheli nsuku zonke kungasisiza sibe ‘abagxilile’ futhi ‘sisimamiswe okholweni.’ (Kol. 2:​6, 7) Nokho, ukuze iZwi likaJehova libe namandla ekuphileni kwethu, kumelwe sizindle ngezimiso zalo futhi sizisebenzise. (Heb. 4:12; Jak. 1:​22-25) UJoshuwa 1:8 usinikeza indlela yokulifunda enezinyathelo ezintathu: (1) Lifunde “ubusuku nemini” iZwi likaNkulunkulu. (2) Lifunde “ngezwi eliphansi,” okusikisela ukufunda ngejubane elikuvumela ukuba uzindle futhi ukubone ngeso lengqondo okufundayo. (3) Kukhuthalele ukusebenzisa ‘konke okulotshwe kulo.’ Ukusebenzisa la macebiso kuzosenza ‘siphumelele’ futhi ‘senze ngokuhlakanipha’ ekuphileni kwethu kwansuku zonke.