¹⁸ Nabaya beqhubeka nohambo, sebebobabili nje kuphela manje endleleni ende ebheke eBhetlehema. Abanye balinganisela ukuthi lolu hambo lwalungathatha isonto lonke. Ngokuqinisekile, bobabili babeduduzana njengoba babesosizini.

²¹ Ekugcineni bafika eBhetlehema, umzana oqhele ngamakhilomitha angaba yishumi eningizimu yeJerusalema. Kubonakala sengathi uNawomi nomndeni wakhe babeke baziwa impela kulo muzi omncane ngoba kwaba indaba egudwini ukubuya kwakhe. Abesifazane babeye bambheke bese bethi, “Akuyena yini uNawomi lo?” Kusobala ukuthi ukuhlala kwakhe kwaMowabi kwakumshintshe kakhulu; ubuso nokubukeka kwakhe kwakubonisa ukuthi wayeshikashikwe ubunzima nezinsizi.—Ruthe 1:19.