Funda izahluko 9 no-10. Ukuphila kuyigugu, futhi uNkulunkulu ufuna ukuba sikujabulele (9:11, 12), kungcono ukulalela ukuhlakanipha kukaNkulunkulu, nakuba abantu abaningi bengakwazisi (9:17). Ngenxa yezinkinga zokuphila, kumelwe silinde izinhliziyo zethu (10:2), siqaphele kukho konke esikwenzayo, futhi senze ngokuhlakanipha.—10:8-10.

Esikufundayo: Njengoba ukufa okungazelelwe kungafikela noma ubani wethu (9:12), kumelwe sisebenzise ukuphila kwethu enkonzweni kaJehova njengoba ukufa kungahlasela noma yinini kuqede yonke into (9:10). Sidinga futhi ukuba sibe nekhono enkonzweni yethu ngoba ukulintula, ngisho nasezintweni ezilula njengokumba umgodi noma ukucanda ukhuni, kungase kube yingozi kithi nakwabanye.—10:8, 9.