3, 4. (a) UJesu uqhubeke kanjani efundisa abathembekile ngoMbuso kaNkulunkulu? (b) Sizofunda ngani kulesi sahluko?

³ Amazwi akuJohane 16:12 uJesu wawasho ngobusuku bokugcina ephila emhlabeni. Ngemva kokufa kwakhe, wayeyoqhubeka kanjani efundisa abantu abathembekile ngoMbuso kaNkulunkulu? Waqinisekisa abaphostoli bakhe: “Umoya weqiniso, uyonihola kulo lonke iqiniso.”a (Joh. 16:13) Singase sibheke umoya ongcwele njengowumqondisi onesineke. Lo moya uyindlela kaJesu yokufundisa abalandeli bakhe noma yini okudingeka bayazi ngoMbuso kaNkulunkulu​—ngesikhathi okudingeka bayazi ngaso.