3. Imuphi umcimbi uJesu anandisa kuwo eKhana?

³ Ama-Israyeli ayebheka leso senzo njengomshado. Ngemva kwalokho, ayengase abe nedili lokuhalalisa, njengalelo elishiwo kuJohane 2:1. Izinguqulo eziningi zeBhayibheli zihumusha lelo vesi ngamazwi anjengokuthi: “Kwakukhona umshado eKhana.” Kodwa igama lolimi lokuqala lihunyushwa ngokunembile ngokuthi “idili lomshado.”a (Mathewu 22:2-10; 25:10; Luka 14:8) Ukulandisa kwenza kucace ukuthi umcimbi uJesu ayekuwo futhi wanandisa kuwo kwakuyidili elihlobene nomshado wesiJuda. Nokho, iphuzu elibalulekile ukuthi lokho okwakuwumshado ngaleso sikhathi kuhlukile kulokho okujwayelekile namuhla.