7. Ngokuphathelene nesibaya sezimvu sakwaIsrayeli, uJesu wayithatha kanjani indima entsha ngo-29 C.E.?

⁷ Kuthiwani-ke, ngalesosibaya sezimvu sesivumelwano soMthetho kaMose? Ngemva kokuba uJesu ebhapathizwe uJohane uMbhapathizi, futhi wagcotshwa ngomoya kaNkulunkulu ongcwele futhi eselingiwe izinsuku ezingama-40 ehlane laseJudiya, uJesu Kristu weza njengoMalusi ongokomoya esibayeni sezimvu sakwaIsrayeli ngonyaka ka-29 C.E. UJesu Kristu wathi wayethunyelwe ngokuqondile “ezimvini ezilahlekileyo zendlu yakwaIsrayeli.” (Mathewu 10:6; 15:24) Kuze kube sekubhapathizweni kwakhe wayemane nje engomunye wamaIsrayeli emvelo ayephila ngaphakathi kwelungiselelo lesibaya sezimvu lesivumelwano soMthetho kaMose. Kodwa manje, njengoba esegcotshiwe futhi wazalwa ngomoya kaJehova, uJesu Kristu wayengeza kulesosibaya sezimvu esikhundleni sakhe esisha ‘njengomalusi omuhle.’—Johane 10:11.

 9, 10. UJesu wayifanela kanjani incazelo yakhe kamalusi, futhi abelusi bakwaIsrayeli babesebenzelana kanjani nezimvu zabo?

⁹ UJesu wayifanela incazelo yakhe kaMalusi Omuhle noweQiniso, njengoba ishiwo ngalamazwi kuJohane 10:1-5: “Ngiqinisile, ngiqinisile ngithi kini: Ongangeni ngesango esibayeni sezimvu, kodwa ekhwela ngenye indawo, lowo uyisela nomphangi. Kepha ongena ngesango ungumalusi wezimvu. Umlindisango uyamvulela lowo; nezimvu ziyalizwa izwi lakhe; ubiza ezakhe izimvu ngamagama, aziholele phandle. Nxa esezikhiphile ezakhe zonke, uhamba phambi kwazo, izimvu zimlandele, ngokuba zilazi izwi lakhe. Kepha umfokazi azisoze zamlandela, kodwa ziyakumbalekela, ngokuba zingalazi izwi labafokazi.”

12. Kwakungobani “abafokazi” uJesu akhuluma ngabo, futhi lokho kwakunjalo kanjani?

¹² Amanye amaIsrayeli eza futhi azishaya uMesiya othenjisiwe, noma uKristu, yiwona uJesu awabiza ngokuthi abafokazi. Awazange ethulwe njengoMalusi kaJehova wobuMesiya ngu“mlindisango” wakhe omisiwe, owayenguJohane, lowo uJesu ngokwakhe eza kuyena ukuze abhapathizwe. Kulokhu, uJesu akazange alenze iphutha. (Mathewu 3:1-7; Marku 1:1-7; Luka 3:1-9) Kwakungenjongo yokuvikela abantu ukuthi uJesu manje wakubona kukuhle ukuba aziveze njengaLowo uJehova ayemthumela kubona njengoMalusi wabo ongokomoya nokuba embule abelusi abafohlayo.