9. Iziphi izinto ezine ezaziphawule abafundisi bamanga phakathi kwabaseKolose?

⁹ Khona-ke, ingabe yayikhona indlela yokubona umuntu owayenenjongo ‘yokwamuka umKristu umklomelo’? Yebo, ngoba uPawulu wanikeza izimpawu zobuntu babafundisi bamanga eKolose. Umuntu onjalo (1) ‘uthanda ukuzenza othobile ekhonza izingelosi’; (2) ‘uphika ngemibono yakhe’; (3) ‘uzikhukhumeza ngeze ngengqondo yakhe yenyama’; kuyilapho (4) “engabambeleli kuye oyinhloko,” uJesu Kristu.—Kolose 2:18, 19.

14. Abafundisi bamanga ‘babezikhukhumeza kanjani ngengqondo yabo yenyama’?

¹⁴ Nokho, nakuba ayethi ungokomoya, umfundisi wamanga wayezikhukhumeza ngempela ngaphandle kwesizathu esiqondile ngengqondo yakhe yenyama. Inyama enesono yafiphaza umbono wakhe nezisusa. “Ezikhukhumeza” ngokuziqhenya nangokuzidla, ingqondo yakhe ‘yayisemisebenzini emibi.’ (Kolose 1:21) Okubi kakhulu, wayengabambelele kuye oyinhloko, uKristu, ngoba wayethanda kakhulu ukucabangela kwabantu bezwe kunezimfundiso zikaJesu.