Lesi simo asisisha. Empeleni, umphostoli uPetru watshela amaKristu ayephila ekhulwini lokuqala: “Ngenxa yokuthi aniqhubeki nigijima [nabantu bezizwe] . . . , bayakhungatheka futhi baqhubeke bakhulume ngani ngokuchapha.” (1 Petru 4:4) Ezinye izinguqulo zithi, “banibiza ngamagama ayiziswana” (Knox) noma, “Bayanithuka.”—Today’s English Version.

Ngakolunye uhlangothi, njengoba uPetru abhala, abanye abahleki bosulu ‘bakhungathekile.’ Yebo, kungase kubaxake ngempela ukuziphatha kwakho. Ngokwesibonelo, uma ungomunye woFakazi BakaJehova, kungase kubamangaze ukuthi awuhlanganyeli emikhosini ehlangene namaholide athile. Kungenzeka nokuthi baye bathola ukwaziswa okuhlanekezelwe ngoFakazi kubaphikisi abazimisele.