17. Ukuzamazama okukhulu komhlaba kulithinta kanjani ilanga, inyanga, nezinkanyezi?

¹⁷ Njengoba uJohane eqhubeka ebonisa, ukuzamazama komhlaba okukhulu kuhambisana nezehlakalo ezisabisayo ezihilela ngisho namazulu. Uthi: “Ilanga laba mnyama njengendwangu yesaka yoboya, yonke inyanga yaba njengegazi, izinkanyezi zezulu zawela emhlabeni, njengalapho umkhiwane onyakaziswa umoya omkhulu uwisa amakhiwane awo aluhlaza.” (IsAmbulo 6:12b, 13) Yeka isenzakalo esimangalisayo! Ungabucabanga ubumnyama obusabisayo obebungaba khona uma lesi siprofetho besingagcwaliseka ngokoqobo? Kungasekho ukukhanya kwelanga okufudumele, okuthokomalisayo emini! Kungasekho ukukhanya kwenyanga okunobungane, okukhazimulayo ebusuku! Nezigidigidi zezinkanyezi zingasalokozi esibhakabhakeni esicwathile. Esikhundleni salokho, kube khona ubumnyama obubandayo obungapheli.—Qhathanisa noMathewu 24:29.

17. Ukuzamazama okukhulu komhlaba kulithinta kanjani ilanga, inyanga, nezinkanyezi?

¹⁷ Njengoba uJohane eqhubeka ebonisa, ukuzamazama komhlaba okukhulu kuhambisana nezehlakalo ezisabisayo ezihilela ngisho namazulu. Uthi: “Ilanga laba mnyama njengendwangu yesaka yoboya, yonke inyanga yaba njengegazi, izinkanyezi zezulu zawela emhlabeni, njengalapho umkhiwane onyakaziswa umoya omkhulu uwisa amakhiwane awo aluhlaza.” (IsAmbulo 6:12b, 13) Yeka isenzakalo esimangalisayo! Ungabucabanga ubumnyama obusabisayo obebungaba khona uma lesi siprofetho besingagcwaliseka ngokoqobo? Kungasekho ukukhanya kwelanga okufudumele, okuthokomalisayo emini! Kungasekho ukukhanya kwenyanga okunobungane, okukhazimulayo ebusuku! Nezigidigidi zezinkanyezi zingasalokozi esibhakabhakeni esicwathile. Esikhundleni salokho, kube khona ubumnyama obubandayo obungapheli.—Qhathanisa noMathewu 24:29.

20. Yimuphi umphumela owesabekayo olindele lesi simiso sezinto lapho kuqala ukuzamazama okukhulu komhlaba?

²⁰ Ngendlela efanayo, lapho ukuzamazama komhlaba okukhulu kwenzeka, sonke lesi simiso sezwe siyositshekelwa ukungabi nathemba kobumnyama obuphelele. Izinkanyiso ezikhazimulayo zesimiso sikaSathane sasemhlabeni aziyikukhipha misebe yethemba. Kakade namuhla, abaholi bomhlaba bezombangazwe, ikakhulukazi kweLobukholwa, badume ngokonakala kwabo, ukuqamba amanga, nokuphila kokuziphatha okubi. (Isaya 28:14-19) Abasenakwethenjwa. Ukukhanya kwabo okulokozayo kuyocima ngokuphelele lapho uJehova ekhipha isahlulelo. Ithonya labo elinjengenyanga ezindabeni zomhlaba liyokwembulwa njengeligcwele igazi, nelibulalayo. Izilomo zabo zezwe ziyocinywa njengezinkanyezi ezicwilayo futhi zisakazwe njengamakhiwane aluhlaza esivunguvungwini esinamandla. Yonke imbulunga yethu iyozamazama ‘osizini olukhulu olungakaze lube khona kusukela ekuqaleni kwezwe kuze kube manje, cha, futhi olungasayikuphinde lube khona.’ (Mathewu 24:21) Yeka ikusasa elisabekayo!