Inkulumo Yeningi Ekhethekile

Singalutholaphi Usizo Lokubhekana Nezinkinga Zanamuhla?

Ziyintilibathwa izeluleko ezweni namuhla. Izincwadi nezinhlelo ze-TV ezikhuluma ngezindlela zokuxazulula izinkinga zithandwa kakhulu. Yize kunjalo, izinkinga zidlangile. Ungase uzibuze, ‘Ingabe ukhona umthombo wesiqondiso engingawethemba ngempela?’ Impendulo ingu-yebo!

Nakuba sekuyizinkulungwane zeminyaka iBhayibheli laba khona, liqukethe izimiso ezingaphelelwa isikhathi eziphendula imibuzo efana nale:

▪ Ngingazixazulula kanjani izingxabano futhi ngijabulele ubuhlobo obuhle nabanye?

▪ Ngingayithola kanjani injabulo?

▪ Ngingabhekana kanjani nezinkinga zemali?

▪ Ngingakunciphisa kanjani ukukhathazeka?

Kuzophendulwa le mibuzo enkulumweni yeningi enesihloko esithi “Ingabe Izimiso ZeBhayibheli Zingasisiza Ekubhekaneni Nezinkinga Zanamuhla?” Le nkulumo esekelwe eBhayibhelini izonikezwa emhlabeni wonke emazweni angaphezu kuka-230. Ezindaweni eziningi izoba seHholo LoMbuso loFakazi BakaJehova ngeSonto, ngo-May 1, 2011.

OFakazi BakaJehova basendaweni yakini bazokujabulela ukukwazisa isikhathi nendawo. Umenywa ngokufudumele ukuba ube khona.