La
Kɛ ha la nɔ hyɛlɔ ɔ. David la.
14 Kuasia* deɔ ngɛ e tsui mi ke:
“Yehowa ko be.”+
A je mi bami puɛ, nɛ a peeɔ ní hiɔmi níhi;
Nɔ ko nɔ ko pee we nɔ́ kpakpa.+
2 Se Yehowa maa e yi si nɛ e hyɛɔ nimli a bimɛ ngɛ zugba a nɔ
Kaa e maa na nɔ ko nɛ kɔɔ nɔ́ se lo, kaa e maa na nɔ ko nɛ hlaa Yehowa se blɔ lo.+
3 Mɛ tsuo a tla blɔ;+
Mɛ tsuo pɛpɛɛpɛ a puɛ.
Nɔ ko nɔ ko pee we nɔ́ kpakpa,
Nɔ kake ngmelu po be.
4 Anɛ yayami peeli ɔmɛ a ti nɔ ko be nɛ nuɔ nɔ́ sisi lo?
A miɔ ye we bi ɔmɛ kaa bɔ nɛ a yeɔ ní* ɔ.
A tsɛ we Yehowa.
5 Se sawale maa nu mɛ wawɛɛ,+
Ejakaa Yehowa piɛɛ yi nɔ bi nɛ a peeɔ nɔ́ nɛ da a he.
6 Yayami peeli, nyɛ bɔɔ mɔde kaa nyɛ ma puɛ nɔ nɛ e ní ngɛ mɔbɔ ɔ blɔ nya tomihi,
Se Yehowa ji e wesa he.+
7 Oo, Israel yi wami hemi ɔ nɛ́ je Zion kɛ ba!+
Ke Yehowa bua e we bi nɛ a nuu mɛ nyɔguɛ ɔ a nya kɛ ba a,
Yakob bua nɛ jɔ, Israel nɛ́ nya.