Soha, May 1
Mawu hlɛ nɔ mi.—Rom. 2:11.
Benɛ Yehowa kpɔ̃ e we bi kɛ je nyɔguɛ tso mi ngɛ Egipt ɔ, e hla osɔfohi konɛ a sɔmɔ ngɛ kpe he bo tsu ɔ mi. E hla Levibi ɔmɛ konɛ a tsu ní tsumi kpahi ngɛ kpe he bo tsu ɔ mi. Se anɛ lɔ ɔ tsɔɔ kaa huɛ bɔmi kpakpa hi nihi nɛ a sɔmɔ ngɛ kpe he bo tsu ɔ mi kɛ nihi nɛ a kɛ kpe he bo tsu ɔ he kɛ we ɔ a kpɛti pe ni kpa amɛ lo? Dɛbi! Mɛni he je? Ejakaa Yehowa hlɛ nɔ mi. Huɛ bɔmi kpakpa ma nyɛ maa hi Israel bimɛ tsuo nɛ a ngɛ sito he ɔ kɛ Yehowa a kpɛti. Kaa nɔ hyɛmi nɔ́ ɔ, Yehowa bɔ mɔde kaa e ma ha nɛ Israelbi ɔmɛ tsuo nɛ a na bɔku titima kɛ la titima a nɛ ba daa kpe he bo tsu ɔ yi mi ɔ. (2 Mose 40:38) Ke bɔku ɔ ho he kpa ya a, Israelbi nɛ a kɛ kpe he bo tsu ɔ he kɛ, kɛ nihi nɛ a ngɛ kpe he bo tsu ɔ kasa nya a tsuo naa, nɛ a buaa a tlomi ɔmɛ kɛ a bo tsu ɔmɛ a nya, nɛ mɛ tsuo a jeɔ sito he ɔ. (4 Mose 9:15-23) Jã nɔuu kɛ̃ nɛ mwɔnɛ hu ɔ, he fɛɛ he nɛ wa ngɛ ɔ, Yehowa hyɛɔ wa nɔ, nɛ e poɔ wa he piɛ nɛ e jeɔ suɔmi kpo kɛ tsɔɔ wɔ. w24.06 4 ¶10-12
APRIL 27–MAY 3
YESAYA 56-57
La 12 Kɛ Sɔlemi | Munyu Nɛ A Kɛ Ma Bli Kpe ɔ Nya (Hɛngm. 1)
1. Wa Bua Jɔ Kaa Yehowa Ji Wa Mawu
(Hɛngm. 10)
Amagahi be nyɛe ma he nihi nɛ a biɔ yemi kɛ buami kɛ jeɔ a ngɔ ɔ a yi wami (Yes 57:13; ip-2 269 ¶14-16)
Nihi nɛ a li Yehowa a be tue mi jɔmi, nɛ kake peemi hu be a kpɛti (Yes 57:20; w18.06 7 ¶16)
Tue mi jɔmi ko be kɛ ha yiwutsotsɛmɛ (Yes 57:21; it “Tue Mi Jɔmi” ¶3)
MO BI O HE KE, Ke huɛ bɔmi kpakpa ngɛ i kɛ Yehowa wa kpɛti ɔ, kɛ ye si himi maa pee ha kɛɛ?
2. Ngmami ɔ Mi Junehi
(Hɛngm. 10)
Yes 56:6, 7—Kɛ gbami nɛ ɔ plɛ kɛ ngɛ mi bae ha kɛɛ? (w07 1/15 10 ¶3; w06 11/1 27 ¶1)
Mɛni junehi o na ngɛ otsi nɛ ɔ Baiblo kanemi ɔ mi nɛ o suɔ kaa o maa tu he munyu?
3. Baiblo Kanemi
(Hɛngm. 4) Yes 56:4-12 (th ní kasemi 5)
4. Moo Je Ní Sɛɛmi Sisi
(Hɛngm. 3) ODASE NƐ A YEƆ BE MI NƐ A BE FIƐƐMI TSO MI. Mo de nɔ ɔ nɔ́ ko nɛ o kase ngɛ asafo mi kpe ko sisi lingmi nɛ ɔ. (lmd ní kasemi 2 oti 4)
5. Tsɔɔ Níhi Nɛ O Heɔ Yeɔ ɔ Mi
(Hɛngm. 5) Munyu Tumi. ijwbq munyu 90—Munyuyi: Anɛ E He Hia Nɛ O Kɛ O He Nɛ Wo Jami Kuu Ko Mi Lo? (th ní kasemi 16)
6. Moo Pee Nihi Kaseli
(Hɛngm. 4) lff ní kasemi 19 oti 4 (lmd ní kasemi 11 oti 3)
La 58
7. Ko Kpa Yehowa He Munyu Tumi
(Hɛngm. 15) Ní Sɛɛmi.
Nihi nɛ a sɔmɔ we Yehowa a be nɔ́ ko nɛ maa ye bua mɛ kɛ mwɔ yi mi kpɔhi nɛ da. A li nɔ́ he je nɛ a ngɛ wami mi, enɛ ɔ he ɔ, a be bua jɔmi, nɛ a be hɛ nɔ kami ko kɛ ha hwɔɔ se. Se kɛ̃ ɔ, a kpɛti nihi fuu bui Matsɛ Yemi sɛ gbi ɔ tue, ejakaa a li se nami nɛ ngɛ he. Ke nihi bui sɛ gbi ɔ tue po ɔ, níhi nɛ nyɛɛ se nɛ ɔmɛ a he je ɔ, wa kɔni mi jɔ̃ we.—Fiɛ 11:6.
Nihi a si fɔfɔɛ nyɛɔ tsakeɔ ngɛ wa zugba kpɔ ɔ mi. Eko ɔ, wetsɛ ko nɛ e bua jɔɛ sɛ gbi ɔ he ɔ maa hia kɛ je kpɔ ɔ mi, nɛ nɔ ko nɛ e maa bu sɛ gbi ɔ tue ɔ ma ba hi we ɔ mi
Ke wa si sinya a, eko ɔ, nɔ kpa lɛ ma bli. E ma nyɛ maa pee wetsɛ ɔ yayo loo e papaa nɛ e wa ngɛ jeha mi, jokuɛ ko nɛ kpaako e sɛ nihe loo yihe mi, aloo nɔ ko nɛ e ba slaa weku ɔ
Nimli tsakeɔ. (1Ti 1:13) Bɔ nɛ níhi ngɛ tsakee ha ngɛ je ɔ mi, aloo oslaa ko nɛ ba nɔ ko nɔ ɔ ma nyɛ ma ha nɛ nɔ ko nɛ bu sɛ gbi ɔ tue
Wa tsɔɔ kaa wa suɔ Yehowa kɛ gu nihi nɛ wa yaa nɔ nɛ watuɔ e he munyu kɛ tsɔɔ mɛ ɔ nɔ.—Luk 6:45; 1Yo 5:3
Je VIDEO Nɛ Ji, Yehowa “Kɛ Wa Ti Nɔ Fɛɛ Nɔ He Kɛ We” ɔ. Lɔ ɔ se ɔ, mo bi tue buli ɔmɛ ke:
Mɛni o kase ngɛ fiɛɛmi ní tsumi ɔ nɛ e sa kaa waa ya nɔ nɛ wa tsu ɔ mi?
8. Asafo Baiblo Mi Ní Kasemi
(Hɛngm. 30) lfb ní kasemi 80-81
Munyu Nɛ A Kɛ Maa Mwɔ Kpe ɔ Nya (Hɛngm. 3) | Kɛ Sɔlemi
Munyu nɛ a maa kase kɛ je April 27, 2026–May 3, 2026
20 Dla O He Kɛ Ha Nyagbahi Nɛ O Kɛ Maa Kpe Ngɛ O Baptisimi Se