‘Leer God se Woord aan ander’

1. Dié wat Gods Woord aan ander leer,

vind vreugde in dié werk.

Die seëninge wat ons ontvang,

is werklik onbeperk.

Soos Christus sal ons liefdevol,

geduldig altyd wees.

Want ons wil mense help dat hulle

God liefkry en hom vrees.

2. As onderrigters wil ons let

op hoe ons ons gedra.

Ons voorbeeld moet vir ander wys

ons doen wat God ons vra.

Ons vind ook skatte in Gods Woord

terwyl ons dit studeer.

En ons wil ander help om dit ook

soos ons te kan waardeer.

3. Jehovah God rus ons ook toe

om goed te onderrig.

Gebed is ook noodsaaklik om

die werk te kan verrig.

Ja, ons is lief vir God se Woord

en wat ons daarin lees.

En binnekort sal dié wat luister

ook onderrigters wees!