Wanneer ouermanne riglyne ontvang, moet hulle dit mooi lees en dit dan na die beste van hulle vermoë toepas. Hulle ontvang nie net riglyne oor hoe om vergaderingdele aan te bied en hoe om namens die gemeente te bid nie, maar ook oor hoe om vir Christus se skape te sorg. Ouermanne wat riglyne van die organisasie volg, help dié onder hulle sorg om veilig en geliefd te voel. Wanneer ons riglyne van die ouermanne ontvang, moet ons dit gewilliglik volg. As ons dit doen, sal ons dit vir dié wat die leiding neem, makliker maak om hulle werk te doen. Die Bybel moedig ons aan om gehoorsaam en onderdanig te wees aan dié wat die leiding neem (Heb. 13:​7, 17). Dit kan soms ’n uitdaging wees. Hoekom? Omdat hierdie mans onvolmaak is. Maar as ons op hulle negatiewe eienskappe eerder as hulle positiewe eienskappe fokus, sal ons, in werklikheid, ons vyande help. Hoe? Ons sal vertroue in God se organisasie verswak. w24.04 10 ¶11-12

Sal almal wat gedurende die groot verdrukking sterf, vir ewig vernietig word met geen hoop op ’n opstanding nie? Die Bybel maak dit duidelik dat direkte teenstanders wat by Armageddon deur Jehovah en sy magte vernietig sal word, nie opgewek sal word nie (2 Tess. 1:​6-10). Maar wat van ander wat byvoorbeeld sterf as gevolg van natuurlike oorsake, ongelukke of omdat iemand hulle doodgemaak het? (Pred. 9:11; Sag. 14:13). Kan party van hierdie mense onder die “onregverdiges” wees wat in die nuwe wêreld opgewek sal word? (Hand. 24:15). Ons weet eenvoudig nie. Maar ons weet ’n hele paar dinge oor toekomstige gebeure. Byvoorbeeld, ons weet dat mense by Armageddon geoordeel sal word op grond van hoe hulle Christus se broers behandel het (Matt. 25:40). En dié wat as skape geoordeel word, sou gewys het dat hulle die gesalfdes en Christus ondersteun. – Op. 12:17. w24.05 10-11 ¶9-11

“Swaar tye . . . wat moeilik is om deur te kom” – dit is hoe die Bybel die tyd beskryf waarin ons lewe (2 Tim. 3:1). Buiten die uitdagings wat almal in hierdie wêreldstelsel ondervind, moet Jehovah se volk teenstand en vervolging verduur. Wat help ons om Jehovah te bly aanbid ten spyte van hierdie probleme? Een hoofrede is dat ons Jehovah leer ken het as “die lewende God” (Jer. 10:10; 2 Tim. 1:12). Jehovah is ’n werklike Persoon wat ons gedurende ons moeilike tye help en na geleenthede soek om ons te ondersteun (2 Kron. 16:9; Ps. 23:4). As ons hom as die lewende God beskou, kan dit ons help om enige moeilike tyd wat op ons pad kom, suksesvol te hanteer. w24.06 20 ¶1-2