• “Waar u gaan, sal ek gaan”
    Volg hulle geloof na

    • 16-18. (a) Hoe het Rut lojale liefde getoon? (b) Wat kan ons by Rut oor lojale liefde leer? (Sien ook die prente van die twee vroue.)

      16 Terwyl Rut op daardie eensame pad voor Naomi gestaan het, was daar geen onsekerheid, geen twyfel in haar hart nie. Dit het oorgeloop van liefde vir Naomi—en vir die God wat Naomi gedien het. Rut het dus gesê: “Moenie by my pleit om u te verlaat nie, om terug te draai en u nie te vergesel nie; want waar u gaan, sal ek gaan, en waar u oornag, sal ek oornag. U volk sal my volk wees, en u God my God. Waar u sterf, sal ek sterf, en daar sal ek begrawe word. Mag Jehovah so aan my doen en daaraan toevoeg as enigiets anders as die dood my en u sou skei.”—Rut 1:16, 17.

      Rut sê vir Naomi: “Waar u gaan, sal ek gaan”

      “U volk sal my volk wees, en u God my God”

      17 Rut se woorde is merkwaardig—in so ’n mate dat dit vandag nog, ongeveer 3 000 jaar ná haar dood, weerklink. Dit gee volmaakte uitdrukking aan ’n kosbare eienskap, lojale liefde. Rut se liefde was so sterk en so lojaal dat sy by Naomi sou bly, waar sy ook al gaan. Net die dood kon hulle skei. Naomi se volk sou haar volk word, want Rut was bereid om alles wat sy in Moab geken het, agter te laat—selfs die Moabitiese gode. In teenstelling met Orpa kon Rut heelhartig sê dat sy wou hê dat Naomi se God, Jehovah, ook haar God moet wees.a

  • “Waar u gaan, sal ek gaan”
    Volg hulle geloof na

    • a Dit is opmerkenswaardig dat Rut nie net die onpersoonlike titel “God” gebruik het, soos baie uitlanders sou gedoen het nie; sy het ook God se persoonlike naam, Jehovah, gebruik. The Interpreter’s Bible sê: “Die skrywer beklemtoon sodoende dat hierdie uitlander die ware God aangehang het.”