Aangesien “die landbouers” die “diensknegte” mishandel en doodmaak, verduidelik Jesus: “Oplaas het [die eienaar van die wingerd] sy seun na hulle gestuur en gesê: Hulle sal my seun ontsien. Maar toe die landbouers die seun sien, het hulle onder mekaar gesê: Dit is die erfgenaam; kom laat ons hom doodmaak en sy erfdeel in besit neem. En hulle het hom geneem en buitekant die wingerd uitgewerp en doodgemaak.”

Die skrifgeleerdes en owerpriesters besef nou dat Jesus van hulle praat, en hulle wil hom, die regmatige “erfgenaam”, doodmaak. Daarom sal die voorreg om heersers in God se Koninkryk te wees van hulle as nasie weggeneem word, en ’n nuwe nasie van ‘landbouers van die wingerd’ sal geskep word, ’n nasie wat die regte vrugte sal dra.