• “Ek sal een herder . . . aanstel”
    Rein aanbidding van Jehovah – Uiteindelik herstel!
    • ’n Arend met ’n takkie van ’n sederboom.

      Die eerste groot arend het koning Nebukadnesar van Babilon afgebeeld (Sien paragraaf 6)

      6. Verduidelik wat die raaisel beteken.

      6 Wat het die raaisel beteken? (Lees Esegiël 17:11-15.) In 617 VHJ het koning Nebukadnesar van Babilon (die eerste “groot arend”) Jerusalem beleër. Hy het koning Jojagin van Juda (die “heel boonste takkie”) uit sy posisie as koning verwyder en hom na Babilon (“’n stad van handelaars”) gebring. Nebukadnesar het Sedekia (“die saad van die land”, dit wil sê iemand uit die koninklike geslagslyn) op die troon in Jerusalem gesit. En Nebukadnesar het die nuwe koning van Juda voor God laat sweer dat hy lojaal aan hom sal bly (2 Kron. 36:13). Maar Sedekia het nie by sy woord gebly nie. Hy het teen Babilon gerebelleer en die Farao van Egipte (die tweede “groot arend”) vir militêre hulp gevra, maar dit was heeltemal verniet. Jehovah het Sedekia veroordeel omdat hy so dislojaal was (Eseg. 17:16-21). Op die ou end was Sedekia uit sy posisie as koning verwyder, en hy het in ’n tronk in Babilon gesterf. – Jer. 52:6-11.