• Wat sê die Bybel oor die ongetroude lewe en die getroude lewe?
    Geniet die lewe vir ewig! – Bybellesse wat jou kan help

    • 5. Maak ’n goeie besluit wanneer jy jou huweliksmaat kies

      Om jou huweliksmaat te kies, is een van die belangrikste besluite wat jy ooit sal maak. Lees Matteus 19:4-6, 9, en bespreek dan hierdie vraag:

      • Hoekom moet ’n Christen nie te vinnig besluit om met iemand te trou nie?

      Die Bybel kan jou help om te weet na watter eienskappe om in ’n huweliksmaat te soek. Die belangrikste is: Soek ’n huweliksmaat wat lief is vir Jehovah.b Lees 1 Korintiërs 7:39 en 2 Korintiërs 6:14. Bespreek dan hierdie vrae:

      • Hoekom moet ons net met ’n mede-Christen trou?

      • Hoe dink jy sal Jehovah voel as ons met iemand trou wat nie vir Hom lief is nie?

      ’n Sterk bul en ’n klein donkie sukkel onder ’n houtjuk.

      As twee diere wat baie anders is, saam onder een juk gesit is, sal hulle ly. Net so sal ’n Christen baie probleme hê as hy of sy met iemand trou wat nie vir Jehovah lief is nie