Wagtoring – AANLYN BIBLIOTEEK
Wagtoring
AANLYN BIBLIOTEEK
Afrikaans
  • BYBEL
  • PUBLIKASIES
  • VERGADERINGE
  • Wie is die engele en wat doen hulle?
    Geniet die lewe vir ewig! – Bybellesse wat jou kan help
    • 2. Wie is Satan en sy demone?

      Party engele het nie lojaal aan Jehovah gebly nie. Die eerste engel wat gerebelleer het, is “die een wat Duiwel en Satan genoem word, wat die hele aarde mislei” (Openbaring 12:9). Satan wou oor ander regeer, en daarom het hy die eerste mense en later selfs ander engele beïnvloed om ongehoorsaam aan Jehovah te wees. Daardie slegte engele word demone genoem. Jehovah het hulle uit die hemel na die aarde toe laat neergooi, en hulle sal vernietig word. – Lees Openbaring 12:9, 12.

      3. Hoe probeer Satan en die demone ons mislei?

      Satan en die demone mislei baie mense deur demonisme, of spiritisme – dit is die slegte gebruik om met geeste te probeer kommunikeer. Byvoorbeeld, party mense gaan na sterrevoorspellers, toordokters, fortuinvertellers of ander mense wat dink dat hulle met die dooies kan kommunikeer. Party lees wat hulle sterreteken voorspel in die koerant of in tydskrifte of kry mediese behandeling wat met spiritisme te doen het. Mense word ook mislei om te glo dat hulle met die dooies kan praat. Maar Jehovah waarsku ons: “Moenie hulp gaan soek by mense wat geeste oproep nie, en moenie fortuinvertellers gaan sien . . . nie” (Levitikus 19:31). Hy gee ons hierdie waarskuwing om ons teen Satan en die demone te beskerm. Hulle is God se vyande, en hulle wil slegte dinge aan ons doen.

  • Wie is die engele en wat doen hulle?
    Geniet die lewe vir ewig! – Bybellesse wat jou kan help
    • 6. Wen die geveg teen Satan en sy demone

      Satan is in beheer van die demone. Maar die lojale engele word gelei deur die aartsengel, of leier van die engele, Migael. Migael is ’n ander naam vir Jesus. Hoeveel krag het Migael? Lees Openbaring 12:7-9, en bespreek dan hierdie vrae:

      • Wie het meer krag? Migael en sy engele of Satan en sy demone?

      • Dink jy dat Jesus se volgelinge bang moet wees vir Satan en sy demone?

      Jy kan die geveg teen Satan en sy demone wen. Lees Jakobus 4:7, en bespreek dan hierdie vraag:

      • Hoe kan jy jouself teen Satan en die demone beskerm?

  • God se Koninkryk regeer nou!
    Geniet die lewe vir ewig! – Bybellesse wat jou kan help
    • 2. Wat het vanaf 1914 in die wêreld gebeur en hoe het mense begin optree?

      Jesus se dissipels het vir hom gevra: “Wat sal die teken wees van u teenwoordigheid en dat die einde van die wêreldstelsel naby is?” (Matteus 24:3). Jesus het hulle geantwoord deur baie dinge te voorspel wat sou gebeur nadat hy in die hemel as Koning van God se Koninkryk begin regeer het. Party van hierdie dinge is oorloë, voedseltekorte en aardbewings. (Lees Matteus 24:7.) Die Bybel het ook voorspel dat die lewe “moeilik [sou wees] om deur te kom” as gevolg van hoe mense in “die laaste dae” sou optree (2 Timoteus 3:1-5). Hierdie dinge kon veral gesien word vanaf 1914.

      3. Hoekom het die wêreld so sleg geword vandat God se Koninkryk begin regeer het?

      Kort nadat Jesus Koning van God se Koninkryk geword het, het hy in die hemel oorlog gevoer teen Satan en die demone. Satan het daardie oorlog verloor. Die Bybel sê: “Hy is na die aarde neergegooi, en sy engele is saam met hom neergegooi” (Openbaring 12:9, 10, 12). Satan is baie kwaad, want hy weet dat hy vernietig sal word. Daarom veroorsaak hy pyn en swaarkry regoor die aarde. Geen wonder toestande in die wêreld is so sleg nie! God se Koninkryk sal al hierdie probleme oplos.

  • God se Koninkryk regeer nou!
    Geniet die lewe vir ewig! – Bybellesse wat jou kan help
    • 5. Die wêreld het verander vanaf 1914

      Speel die VIDEO.

      VIDEO: Die wêreld het verander vanaf 1914 (1:10)

      Jesus het voorspel hoe die wêreld sou wees nadat hy Koning geword het. Lees Lukas 21:9-11, en bespreek dan hierdie vraag:

      • Watter van hierdie dinge het jy al gesien of van gehoor?

      Die apostel Paulus het beskryf hoe mense sou wees in die laaste dae van menseregerings. Lees 2 Timoteus 3:1-5, en bespreek dan hierdie vraag:

      • Watter van hierdie dinge het jy al gesien?

      Collage: Tonele wat wêreldtoestande en gesindhede wys in die laaste dae. 1. ’n Militêre leier by ’n rostrum skree met sy arms in die lug. 2. Geboue is vernietig ná ’n aardbewing. 3. Militêre vliegtuie. 4. ’n Groep wat maskers dra, loop buite rond. 5. Die Tweelingtorings in New York is in vlamme ná ’n terroriste-aanval. 6. ’n Man gebruik dwelms. 7. ’n Man lig sy vuis op en skree op sy vrou. 8. Verskillende dwelms en alkohol. 9. Twee vrouens dra klere en juwele wat in die mode is en vat ’n selfie. 10. ’n Platejoggie speel musiek vir ’n groep mense by ’n konsert. 11. ’n Rebel staan op die punt om ’n petrolbom te gooi.
Afrikaanse publikasies (1975-2027)
Meld af
Meld aan
  • Afrikaans
  • Deel
  • Voorkeure
  • Copyright © 2026 Watch Tower Bible and Tract Society of Pennsylvania
  • Gebruiksvoorwaardes
  • Privaatheidsbeleid
  • Privaatheidsinstellings
  • JW.ORG
  • Meld aan
Deel