Mi Yesu nyiɔ?

Nɔ mìsɔ mɛ ciwo wojeshi ɖɛ sɔwu le exolɔlɔ mɛɔ, mìakpɔ Yesu can le wo mɛ. Ele ahan gan, ŋkɔ kpoŋ yí amɛ sugbɔ jeshi ɖɛ ni. Wodexa jeshi enu sugbɔ so nu o yí woɖo susu vovovo so mɛ ci teŋ enyi nu. Enyɔ ci Bibla yɛ nu so nuɔ?

1. Mi Yesu nyiɔ?

Yesu nyi gbɔngbɔnmɛnuwawa sɛnŋsɛnŋ ɖeka ci yí le jeŋkwimɛ. Yehowa Mawu yí wɛ gbɔxwe yí vawa enu kpɛtɛ ciwo pleŋ ewa. Eyi dɔ taɖo woyɔɛni mɔ “Evi ŋkɔtɔ” nɔ enuwawawo pleŋ. (Kolosetɔwo 1:15) Bibla yɔ Yesu mɔ Mawu “Vi akogo” ɖo Yesu ɖekɛ yí Yehowa wa tiin. (Ʒan 3:16) Yesu wa dɔ alɔlealɔmɛ koɖo Dalɔ Yehowa yí kpedo nu le enu kpɛtɛwo pleŋ wawa mɛ. (Hlɛn Elododo Wema 8:30.) Yesu kpɔtɔ nyi evi vevi nɔ Yehowa. Yesu nyi Mawu gbetanatɔ egbejinɔtɔ, eyi taɖo woyɔɛ mɔ “Enyɔ lɔ,” ɖo énunɔ Mawu gbetasɔsɔwo koɖo lé Mawu mɔ woɖo awa nuwo do.—Ʒan 1:14.

2. Nyi yí taɖo Yesu va nyigban jiɔ?

Ayi exwe 2 000 koɖo ŋɖe yɛ yí Yehowa zan yi ŋsɛn yí sɔ wa enujiŋ ɖeka. Ézan gbɔngbɔn kɔkwɛ yí sɔ trɔ Yesu gbe do Ʒuifu cugbejɛvi lealɔji ɖeka ci yí tɔ mɔ Mari dɔmɛ. Lé enyi do yí wovaji Yesu shigbe agbetɔ hannɛ do nyigban ji nɛ. (Hlɛn Luiki 1:34, 35.) Yesu va nyigban ji keŋ yí avanyi Mɛsia alo Kristo ci gbe Yehowa ɖo ɖɛ yí ahwlɛn agbetɔwo gan.a Bibla mɛ nyɔnuɖɛ ciwo pleŋ yí kudo Mɛsia lɔ nu jɔ do Yesu ji; ecɛ kpedo amɛwo nu yí wokpɔ Yesu yí nya mɔ “E yi nyi Kristo, Mawu Agbeagbe Viɛ lɔ.”—Matie 16:16.

3. Fini Yesu le yɛɔ?

Ci Yesu nɔ nyigban ji shigbe agbetɔ nɛ yí kuɔ, Yehowa vafuin do agbe enyi gbɔngbɔnmɛnuwawa keŋ yí trɔyi jeŋkwimɛ. Le nɔɔ, “Mawu kɔɛ yì eji kpaŋkpaŋ le afi vevitɔ lɔ.” (Filipitɔwo 2:9) Kakayɛɔ, Yesu nyi gbɔngbɔnmɛnuwawa sɛnŋsɛnŋ ɖeka. Yehowa ɖekɛ kpaŋ yí ɖo ŋsɛn wugan wu Yesu.

4. Yesu denyi Mawu Ŋsɛnwopleŋtɔ o

Bibla dre mɛ mɔ ci Yesu nyi mawudɔla sɛnŋsɛnŋ le jeŋkwimɛ can ɔ, ékpɔtɔ bubɔnɔ nɔ yi Mawu ci yí gbenyi Dalɔ Yehowa. Nyi yí taɖo mìatɛnŋ anu ahan ɔ? Xo VIDEO lɔ keŋ akpɔ lé Bibla nu mɔ Yesu to akpo nɔ Mawu ŋsɛnwopleŋtɔ lɔ do ɖa.

VIDEO: Yesu Kristo yí nyi Mawua? (3:22)

Kpukpui ciwo yí gbɔgbɔ akpedo mì nu mìakpɔ lé Yehowa koɖo Yesu le do. Hlɛn kpukpui lɔwo ɖekaɖeka keŋ agbeje enyɔbiɔse ciwo yí gbɔgbɔ mɛ:

Hlɛn Luiki 1:30-32.

• Lé mawudɔla lɔ mɔ Yesu koɖo Yehowa Mawu “Ŋsɛnwopleŋtɔ” le doɔ?

Hlɛn Matie 3:16, 17.

• Hwenu Yesu wakɔ ʒinʒindoshimɛ ɖe, nyɔ ci egbe ci yí ɖyi so jeŋkwimɛ nuɔ?

• Mi gbe yí èkpɔ mɔ yɛanyiɔ?

Hlɛn Ʒan 14:28.

• Nɔ wosɔ eda koɖo evi ɖe, mi èkpɔ mɔ yɛshin wu yí gbeɖo acɛ wuɔ?

• Ci Yesu yɔnɔ Yehowa mɔ Eda ɖe, nyi ekpla mìɔ?

Hlɛn Ʒan 12:49.

• Yesu buini mɔ ye koɖo ye Daye nyi ŋɖekɛa? Lé èkpɔɛ doɔ?

5. Ŋci yí dasɛ mɔ Yesu yí nyi Mɛsia lɔ

VIDEO: Yesu ji yí enyɔnuɖɛ lɔwo pleŋ jɔ do (3:03)

Hlɛn Bibla mɛ nyɔnuɖɛ cɛwo keŋ agbeje biɔse ciwo yí gbɔgbɔ mɛ:

Hlɛn Mishe 5:2 keŋ akpɔ fini woaji Mɛsia lɔ do.b

• Fini woji Yesu do dɔ yí enyɔnuɖɛ cɛ vamɛa?—Matie 2:1.

Hlɛn Ehajiji Wema 34:20 koɖo Zakari 12:10 yí akpɔ enyɔ ciwo Bibla nu ɖɛ so Mɛsia lɔ ku nu.

• Enyɔnuɖɛ cɛwo vajɔ do jia?—Ʒan 19:33-37.

• Èkpɔɛ mɔ Yesu ŋtɔ awɛ do ɖe keke enyɔnuɖɛ cɛwo avajɔ pɛɛa?

• Nyi ecɛ kpla eo so Yesu nuɔ?

ENU CI ÈKPLA

Yesu nyi gbɔngbɔnmɛnuwawa sɛnŋsɛnŋ ɖeka. Ényi Mawu Vi yí gbenyi Mɛsia lɔ.

Enumɛtoto

• Nyi yí taɖo woyɔnɔ Yesu mɔ “Evi ŋkɔtɔ” nɔ enuwawawo pleŋ ɔ?

• Gbɔxwe Yesu ava nyigban ji ɖe, nyiwo ewaɔ?

• Lé mìwɛ yí nya mɔ Yesu yí nyi Mɛsia lɔɔ?

KPƆ ŊCƐWO KPƆ

Kpla nu sugbɔ doji keŋ anya edɔ ci Yesu wakɔ ci enyi Mɛsia lɔ.

“Mɛsia nyɔnuɖɛ lɔwo dasɛ mɔ Yesu yí nyi Mɛsia lɔa?” (Àkpɔɛ le siti lɔ ji)

Kpɔ mɔ Bibla nu mɔ Mawu ji Yesu shigbe lé agbetɔwo donɔ fu yí jinɔ evi nɛ ma.

“Nyi yí taɖo woyɔ Yesu mɔ Mawu Viɔ?” (Àkpɔɛ le siti lɔ ji)

Kpɔ enu ci yí taɖo Mawu-amɛtɔn-nyi-ɖeka nukplakpla deso Bibla mɛ ɖa.

“Yesu yí nyi Mawua?” (Jutakpɔxɔ 1^er avril 2009)

Kpɔ lé nyɔnu ɖeka gbe trɔ do ci eji gɔnmɛ kpɔ nɔ enyɔ ci Bibla nu so Yesu nu ɖa.

“Ʒuifu nyɔnu ɖeka dre enu ci yí taɖo etrɔ yí gbeje yi jixɔsewo mɛ” (Nyɔ!, mai 2013)