Nyi Yesu wa hwenu ele nyigban jiɔ?

Amɛ sugbɔ kpɔnɔ Yesu do vifin ci mɛɖe deli aglɔn ta nɔ ji. Wogbekpɔɛni do enyɔnuɖɛtɔ ci yí nya ŋɖɛ alo ŋsu ɖe ci yí le ekudunu ji. Vɔ mìatɛnŋ agbejeshi enu sugbɔ so Yesu nu nɔ mìgbeje lé enɔ agbe do le nyigban ji mɛa? Le enukplakpla cɛ mɛɔ, mìakpɔ enuvevi ɖewo ciwo Yesu wa koɖo lé ekan eo do.

1.Edɔ ci yí nyi edɔ vevitɔ ci Yesu waɔ?

Edɔ vevitɔ ci Yesu wa yí nyi mɔ, “[é]dra eŋɛnywi ci yí xo nuxu so Efyɔɖuxu Mawutɔ lɔ nu.” (Hlɛn Luiki 4:43.) Édra eŋɛnywi ci yí nyi mɔ, Mawu aɖo Fyɔɖuxu alo acɛkpakpa ɖeka ci yí avakpɔ enu ciwo pleŋ jɔjɔ do agbetɔwo ji gbɔ.a Yesu wa dɔ sɛnŋsɛnŋɖe exwe amɛtɔn koɖo fan yí dra eŋɛnywi cɛ ci yí do ŋsɛn amɛwo.—Matie 9:35.

2.Nyi koŋ yí dɔ Yesu wa enujiŋwoɔ?

Bibla nu so Yesu nu mɔ: “Mawu sɔ dasɛ nɔ mí toto enudaʒiwo, enujiŋwo koɖo jeshidu nuwo ji. Mawu wa enu lɔwo toto Yesu ji.” (Edɔwawawo 2:22) Mawu na ŋsɛn Yesu yí etɛnŋ ɖo te jihɔntwi blabla, na ŋɖuɖu agbetɔ kotokun nɛniɖe, da dɔ̀ nɔ dɔ̀nɔwo yí gbefɔn amɛkukuwo so ku ŋtɔkpu. (Matie 8:23-27; 14:15-21; Maki 6:56; Luiki 7:11-17) Enujiŋ ciwo Yesu wa dasɛ petii mɔ Mawu yí dɔɛ ɖaɖa. Wogbedasɛ mɔ Yehowa ɖo ŋsɛn yí akpɔ mìwo nyɔwo pleŋ gbɔ.

3.Nyi mìatɛnŋ akpla so lé Yesu nɔ agbe do mɛɔ?

Yesu se tonu nɔ Yehowa le nɔnɔmɛ ɖekpokpui mɛ. (Hlɛn Ʒan 8:29.) Ci amɛwo trɔ kpe Yesu can ɔ, énɔ gbeji nɔ Dalɔ yí wa enu ci emɔ yi le wa keke sɔyi ku mɛ. Édasɛ mɔ, agbetɔwo atɛnŋ asɛn Mawu le egbejinɔnɔ mɛ nɔ nuwo gbɔngbɔnnu can. Yesu “gbé kpɔwɛ ɖɛ nɔ [mì] nɔ [mì] a kplɔ Yi teshiwo do.”—1 Piɛ 2:21.

5.Yesu kpla nyɔnɔnwi veviwo amɛwo

Sɔ kpe nɔ Mawu Fyɔɖuxu ŋɛnywi lɔ dradraɔ, Yesu na ekpla nywiwo amɛwo. Kpɔ ɖowo le Etojinuxu yi tɔ ci amɛ sugbɔ jeshi mɛ. Hlɛn Matie 6:14, 34 koɖo 7:12, keŋ agbeje biɔse ciwo yí gbɔgbɔ mɛ:

• Enukplamu nywi ci Yesu kpla amɛwo le kpukpui cɛwo mɛɔ?

• Èkpɔɛ mɔ nukplamu cɛ agbetɛnŋ akpedo amɛwo nu le egbɛmɛa?

6. Yesu wa enujiŋwo

Yehowa na ŋsɛn Yesu yí esɔ wa enujiŋ sugbɔ. Nɔ àkpɔ ɖekaɔ, hlɛn Maki 5:25-34 alo xo VIDEO lɔ. Yi goduɔ, gbeje nyɔbiɔse ciwo yí gbɔgbɔ mɛ.

VIDEO: Edɔ̀ mi nɔ nyɔnu dɔ̀nɔ lɔ (5:10)

• Le video lɔ mɛ ɖe, nyi ji nyɔnu dɔ̀nɔ lɔ kandoɔ?

• Nyi yí jɔ ji nɔ eo le enujiŋ cɛ mɛɔ?

Hlɛn Ʒan 5:36, keŋ agbeje biɔse cɛ mɛ:

• Nyi yí enujiŋ ciwo Yesu wa nyi “ɖashifu” nɔ alo dasɛ so nuɔ?

ENU CI ÈKPLA

Yesu ɖe kunu so Mawu Fyɔɖuxu lɔ nu, wa enujiŋwo yí gbese tonu nɔ Yehowa le nɔnɔmɛ ɖeshiaɖe mɛ.

Enumɛtoto

• Edɔ vevitɔ ci Yesu wa hwenu ele nyigban jiɔ?

• Nyi yí enujiŋ ciwo Yesu wa dasɛɔ?

• Ekpla nywi ciwo Yesu na amɛwoɔ?

KPƆ ŊCƐWO KPƆ

Nyi nu Yesu xo nuxu so sɔwuɔ?

“Enu ci yí taɖo Mawu Fyɔɖuxu lɔ le veviɖe nɔ Yesu” (Jutakpɔxɔ 1^er octobre 2014)

Kpɔ enu ci yí taɖo mìatɛnŋ akando ji mɔ Yesu wa enujiŋwo nyao ɖa.

“Nyi àtɛnŋ akpla so enujiŋ ciwo Yesu wa mɛɔ?” (Jutakpɔxɔ 15 juillet 2004)

Hlɛn ŋcɛ keŋ akpɔ lé ŋsu ɖeka trɔ yi gbe ci evakpla nu yí kpɔ lé Yesu lenɔ bu nɔ mɛbuwo sugbɔ do.

“Anyi tɔ ɖekɛ yí ŋbunɔ kpɔ gashiagamɛ” (Jutakpɔxɔ 1^er octobre 2014)

Kpɔ edɔ vevi ciwo Yesu wa sɔgbe koɖo lé ewa wo eɖekplɔɖedo.

“Enuvevi ciwo yí jɔ le Yesu gbemɛ hwenu ele nyigban ji” (Ŋɔŋlɔ Kɔkɔeawo—Xexe Yeye Gɔmeɖeɖe, Enumɛɖeɖe ciwo yí le vɔvɔnu A7)