ሆሴዕ
እናንተ የእስራኤል ቤት ሰዎች፣ በትኩረት አዳምጡ፤
እናንተም የንጉሡ ቤት ሰዎች፣ አዳምጡ፤
ፍርዱ እናንተንም ይጨምራልና፤
ምክንያቱም ለምጽጳ ወጥመድ፣
በታቦርም+ ላይ የተዘረጋ መረብ ሆናችኋል።
3 ኤፍሬምን አውቀዋለሁ፤
እስራኤልም ከእኔ የተሰወረ አይደለም።
6 መንጎቻቸውንና ከብቶቻቸውን ይዘው ይሖዋን ፍለጋ ሄዱ፤
ሆኖም ሊያገኙት አልቻሉም።
እሱ ከእነሱ ርቋል።+
7 እነሱ ይሖዋን ከድተዋል፤+
ባዕድ ወንዶች ልጆች ወልደዋልና።
አሁንም አንድ ወር፣ እነሱንና ድርሻቸውን* ይውጣል።*
8 በጊብዓ ቀንደ መለከት፣ በራማም+ መለከት ንፉ!+
‘ቢንያም ሆይ፣ ከኋላህ ነን!’ ብላችሁ በቤትአዌን+ ቀረርቶ አሰሙ።
9 ኤፍሬም ሆይ፣ በምትቀጣበት ቀን መቀጣጫ ትሆናለህ።+
በእስራኤል ነገዶች መካከል በእርግጥ ምን እንደሚከሰት አሳውቄአለሁ።
10 የይሁዳ መኳንንት ወሰን እንደሚገፉ ሰዎች ናቸው።+
በእነሱ ላይ ቁጣዬን እንደ ውኃ አፈሳለሁ።
11 ኤፍሬም ተጨቁኗል፤ በፍርድ ተረግጧል፤
ባላጋራውን ለመከተል ቆርጧልና።+
12 በመሆኑም እኔ ለኤፍሬም እንደ ብል፣
ለይሁዳ ቤት ደግሞ እንደ ነቀዝ ሆኛለሁ።
13 ኤፍሬም ሕመሙን፣ ይሁዳም ቁስሉን ሲመለከት
ኤፍሬም ወደ አሦር ሄደ፤+ ወደ ታላቅ ንጉሥም መልእክተኞች ላከ።
ይሁንና ንጉሡ እናንተን ሊፈውሳችሁ አልቻለም፤
ቁስላችሁንም ሊያድን አልቻለም።
14 እኔ ለኤፍሬም እንደ አንበሳ፣
ለይሁዳም ቤት እንደ ደቦል አንበሳ እሆናለሁና።
በጭንቀት በሚዋጡበት ጊዜ እኔን ይሻሉ።”+