ኢዩኤል

 2 “እናንተ ሽማግሌዎች ይህን ስሙ፤

የአገሪቱም* ነዋሪዎች ሁሉ ልብ በሉ።

በእናንተም ዘመን ይሁን በአባቶቻችሁ ዘመን

እንዲህ ያለ ነገር ተከስቶ ያውቃል?+

 3 ይህን ለልጆቻችሁ ተናገሩ፤

ልጆቻችሁም ለልጆቻቸው፣

የእነሱ ልጆች ደግሞ ለቀጣዩ ትውልድ ይናገሩ።

 4 ከአውዳሚ አንበጣ የተረፈውን የአንበጣ መንጋ በላው፤+

ከአንበጣ መንጋ የተረፈውንም ኩብኩባ በላው፤

ከኩብኩባ የተረፈውን ደግሞ የማይጠግብ አንበጣ በላው።+

እናንተ የወይን ጠጅ የምትጠጡ ሁሉ

ጣፋጩ የወይን ጠጅ ከአፋችሁ ላይ ስለተወሰደ ዋይ ዋይ በሉ።+

 7 የወይን ተክሌን አጠፋው፤ የበለስ ዛፌንም ጉቶ አደረገው፤

ቅርፊታቸውን ሙልጭ አድርጎ ልጦ ወዲያ ጣላቸው፤

በቅርንጫፎቻቸው ላይ አንድም ልጥ አልቀረም።

 8 ማቅ ለብሳ ለልጅነት ሙሽራዋ* እንደምታለቅስ ድንግል*

ዋይ ዋይ በዪ።

 9 የእህል መባና+ የመጠጥ መባ+ ከይሖዋ ቤት ተቋርጧል፤

የይሖዋ አገልጋዮች የሆኑት ካህናቱም ሐዘን ላይ ናቸው።

10 እርሻው ወድሟል፤ ምድሪቱ አዝናለች፤+

እህሉ ወድሟልና፤ አዲሱ የወይን ጠጅ ደርቋል፤ ዘይቱም ተሟጧል።+

11 ገበሬዎች አፍረዋል፤ የወይን አትክልት ሠራተኞች ዋይ ዋይ ይላሉ፤

ይህም የሆነው ከስንዴውና ከገብሱ የተነሳ ነው፤

የእርሻው መከር ጠፍቷልና።

12 ወይኑ ደርቋል፤

የበለስ ዛፉም ጠውልጓል።

ሮማኑ፣ ዘንባባው፣ ፖሙና

በሜዳው ላይ ያለው ዛፍ ሁሉ ደርቋል፤+

በሕዝቡ መካከል የነበረው ደስታ ወደ ኀፍረት ተለውጧልና።

13 እናንተ ካህናት ማቅ ልበሱ፤* ደግሞም ሐዘን ተቀመጡ፤*

እናንተ በመሠዊያው ፊት የምታገለግሉ+ ዋይ ዋይ በሉ።

እናንተ የአምላኬ አገልጋዮች ኑ፣ ማቅ ለብሳችሁ እደሩ፤

ከአምላካችሁ ቤት የእህል መባና+ የመጠጥ መባ+ ተቋርጧልና።

ሽማግሌዎቹንና የምድሪቱን ነዋሪዎች ሁሉ ወደ አምላካችሁ ወደ ይሖዋ ቤት ሰብስቡ፤+

እርዳታም ለማግኘት ወደ ይሖዋ ጩኹ።

የይሖዋ ቀን ቀርቧልና፤+

ሁሉን ከሚችለው አምላክ ዘንድ እንደ ጥፋት ይመጣል!

16 ምግብ ከዓይናችን ፊት፣

ሐሴትና ደስታም ከአምላካችን ቤት ጠፍቶ የለም?

19 ይሖዋ ሆይ፣ ወደ አንተ እጣራለሁ፤+

በምድረ በዳ ያለውን የግጦሽ መሬት እሳት በልቶታልና፤

በሜዳ ያሉትንም ዛፎች ሁሉ ነበልባል አቃጥሏቸዋል።

20 የዱር አራዊትም እንኳ አንተን በጉጉት ይጠባበቃሉ፤

ምክንያቱም የውኃ ጅረቶቹ ደርቀዋል፤

በምድረ በዳ ያለውን የግጦሽ መሬትም እሳት በልቶታል።”