መዝሙር

 2 ምስጋና ይዘን በፊቱ እንቅረብ፤+

በድል አድራጊነት ስሜት ለእሱ እንዘምር፤ ደግሞም እልል እንበል።

 3 ይሖዋ ታላቅ አምላክ ነውና፤

በሌሎች አማልክት ሁሉ ላይ ታላቅ ንጉሥ ነው።+

 4 ጥልቅ የሆኑት የምድር ክፍሎች በእጁ ናቸው፤

የተራሮችም ጫፍ የእሱ ነው።+

 5 እሱ የሠራው ባሕር የራሱ ነው፤+

የብሱንም የሠሩት እጆቹ ናቸው።+

 6 ኑ፣ እናምልክ፤ እንስገድም፤

ሠሪያችን በሆነው በይሖዋ ፊት እንንበርከክ።+

 7 እሱ አምላካችን ነውና፤

እኛ ደግሞ በመስኩ የተሰማራን ሕዝቦች፣

በእሱ እንክብካቤ* ሥር ያለን በጎች ነን።+

ዛሬ ድምፁን የምትሰሙ ከሆነ፣+

 8 አባቶቻችሁ በምድረ በዳ ሳሉ በመሪባ፣*

በማሳህ* ቀን እንዳደረጉት ልባችሁን አታደንድኑ፤+

 9 በዚያን ጊዜ እነሱ ፈተኑኝ፤+

ሥራዬን ቢያዩም ተገዳደሩኝ።+

10 ያን ትውልድ ለ40 ዓመት ተጸየፍኩት፤

እኔም “ይህ ሕዝብ ሁልጊዜ ልቡ ይስታል፤

መንገዴን ሊያውቅ አልቻለም” አልኩ።