ሆሴዕ

4 የእስራኤል ሕዝብ ሆይ፣

ይሖዋ ከምድሪቱ ነዋሪዎች ጋር ስለሚፋረድ የይሖዋን ቃል ስሙ፤+

ምክንያቱም በምድሪቱ ላይ እውነት፣ ታማኝ ፍቅርና አምላክን ማወቅ የለም።+

 2 የሐሰት መሐላ፣ ውሸት፣+ ነፍስ ግድያ፣+

ስርቆትና ምንዝር+ ተስፋፍቷል፤

ደም የማፍሰስ ወንጀልም በላይ በላዩ ይፈጸማል።+

 3 ከዚህም የተነሳ ምድሪቱ ታዝናለች፤+

በእሷም ላይ የሚኖሩ ሁሉ ይመነምናሉ፤

የዱር እንስሳትና የሰማይ ወፎች

የባሕር ዓሣዎችም እንኳ ሳይቀሩ ይጠፋሉ።

 4 “ይሁን እንጂ ማንም ሰው አይሟገት ወይም ሌላውን አይውቀስ፤+

ሕዝብህ ከካህን ጋር እንደሚሟገት ሰው ነውና።+

 5 ስለዚህ እናንተ በጠራራ ፀሐይ ትሰናከላላችሁ፤

የጨለመ ይመስል ነቢዩም ከእናንተ ጋር ይሰናከላል።

እናንተ እውቀትን ስለናቃችሁ+

እኔም ካህናት ሆናችሁ እንዳታገለግሉኝ እንቃችኋለሁ፤

የአምላካችሁን ሕግ* ስለረሳችሁ+

እኔም ልጆቻችሁን እረሳለሁ።

 8 የሕዝቤ ኃጢአት መብል ሆኖላቸዋል፤

ደግሞም እነሱ በደል እንዲሠሩ ይቋምጣሉ።*

 9 ሕዝቡንም ሆነ ካህኑን

ለተከተሉት መንገድ ተጠያቂ አደርጋቸዋለሁ፤

አድራጎታቸው ያስከተለውንም መዘዝ በላያቸው አመጣለሁ።+

ሴሰኞች ይሆናሉ፤* ሆኖም ቁጥራቸው አይጨምርም፤+

ምክንያቱም ይሖዋን ችላ ብለዋል።

11 ምንዝር፣* ያረጀ የወይን ጠጅና አዲስ የወይን ጠጅ፣

ሰው ትክክል የሆነውን ነገር ለመፈጸም ያለውን ልባዊ ፍላጎት ያጠፋሉ።*+

12 ሕዝቤ ከእንጨት የተሠሩ ጣዖቶቻቸውን ያማክራሉ፤

በትራቸው* የሚላቸውን ነገር ያደርጋሉ፤

ምክንያቱም የአመንዝራነት* መንፈስ እንዲባዝኑ ያደርጋቸዋል፤

በአመንዝራነታቸው* የተነሳም ለአምላካቸው ለመገዛት አሻፈረን ይላሉ።

13 በተራሮች አናት ላይ ይሠዋሉ፤+

ደግሞም በኮረብቶች ላይ

እንዲሁም በባሉጥ ዛፎች፣ በሊብነህ ዛፎችና* በትልቅ ዛፍ ሁሉ ሥር የሚጨስ መሥዋዕት ያቀርባሉ፤+

ምክንያቱም የዛፎቹ ጥላ መልካም ነው።

ከዚህም የተነሳ ሴቶች ልጆቻችሁ ዝሙት አዳሪዎች* ይሆናሉ፤

ምራቶቻችሁም ያመነዝራሉ።

14 ሴቶች ልጆቻችሁ ዝሙት አዳሪዎች* በመሆናቸው፣

ምራቶቻችሁም በማመንዘራቸው አልቀጣቸውም።

ወንዶቹ ከጋለሞታዎች ጋር ተያይዘው ይሄዳሉና፤

ከቤተ መቅደስ ዝሙት አዳሪዎችም ጋር መሥዋዕት ያቀርባሉ፤

እንዲህ ያለ ማስተዋል የሌለው ሕዝብ+ ይጠፋል።

15 እስራኤል ሆይ፣ አንቺ ብታመነዝሪም*+

ይሁዳ ግን ተመሳሳይ በደል አትፈጽም።+

ወደ ጊልጋል+ ወይም ወደ ቤትአዌን+ አትሂዱ፤

‘ሕያው ይሖዋን!’ ብላችሁም አትማሉ።+

18 መጠጣቸው* ሲያልቅ

ሴሰኞች ይሆናሉ።*

19 ነፋስ በክንፎቹ ይጠቀልላታል፤*

እነሱም ባቀረቧቸው መሥዋዕቶች ያፍራሉ።”