“ደስተኛ አወዳሾች” ወደተሰኘው የአውራጃ ስብሰባ እንድትመጡ ተጋብዛችኋል

በ1995 ለሚደረጉት የአውራጃ ስብሰባዎች “ደስተኛ አወዳሾች” የተሰኘ እንዴት ያለ ግሩም ርዕስ ተመርጧል! በእርግጥም የይሖዋ ምሥክሮች ደስተኞች ናቸው። የሚያወድሱት ማንን ነው? ይሖዋ አምላክን ነዋ!

ይሖዋ በብዙ መንገዶች አቻ የሌለው፣ ማንም የማይተካከለው፣ ወደር የሌለው ድንቅ ነው። እሱ ሁሉን ቻይ፣ ሁሉን አዋቂ፣ ፍጹም ፍትሐዊና የፍቅር ተምሳሌት ነው። ከማንም በላይ አምልኮታችንና ውዳሴያችን ይገባዋል።

ደስተኛ አወዳሾቹ መሆን እንደምንፈልግ የተረጋገጠ ነው! የይሖዋ ምሥክሮች የአስተዳደር አካል እኛን ለመርዳት በ1995 የክረምት ወራት የሚጀምር ግሩም የሦስት ቀናት የአውራጃ ስብሰባ አዘጋጅቶልናል። እነዚህ ሦስት ቀናት አስደሳች እንደሚሆኑ አያጠራጥርም፤ እያንዳንዱ የይሖዋ ምሥክር ከዓርብ የመክፈቻው መዝሙር እስከ እሑድ የመዝጊያ መዝሙርና ጸሎት ድረስ ለመገኘት የተቻለውን ሁሉ ማድረግ አለበት።