የጥናት እትም

የጥናት ርዕሶቹ ዓላማ

የጥናት ርዕስ 1 ከገጽ 3-7

የጥንቷ እስራኤል ንጉሥ የነበረው ዳዊት የይሖዋን ስምና ዓላማ ከፍ አድርጎ ይመለከት ነበር። በተጨማሪም በዚህ ርዕስ ውስጥ እንደምንመለከተው ከአምላክ ሕግ በስተጀርባ ያሉትን መሠረታዊ ሥርዓቶች በደንብ ያውቅ ነበር፤ ፈቃዱን ማድረግ ይማርም ዘንድ ጸልዮአል። ይህ ርዕስ የይሖዋን አመለካከት ምንጊዜም በአእምሯችን መያዝ የሚኖርብን ለምን እንደሆነም ያብራራልናል።

የጥናት ርዕሶች 2, 3 ከገጽ 10-19

እውነተኛ ክርስቲያኖች የኢየሱስ ተከታዮች እንደመሆናቸው መጠን ትሑት የመሆንን አስፈላጊነት ይገነዘባሉ። የመጀመሪያው የጥናት ርዕስ ኢየሱስ የእሱን ፈለግ በጥብቅ መከተል እንድንችል በትሕትና ረገድ የተወልንን ምሳሌ ያብራራል። ሁለተኛው ርዕስ ደግሞ ራሳችንን ዝቅ አድርገን የመመልከት መንፈስ ማዳበርና ይህን ባሕርይ በሕይወታችን ማንጸባረቅ የምንችለው እንዴት እንደሆነ ይገልጻል።

የጥናት ርዕሶች 4, 5 ከገጽ 21-30

እነዚህ የጥናት ርዕሶች ይሖዋ በጣም ከባድ ኃጢአቶችን እንኳ ይቅር ለማለት ፈቃደኛ መሆኑን እንድንገነዘብ ይረዱናል። አንዳንድ ጊዜ ይቅርታ ማድረግ አዳጋች እንዲሆንብን የሚያደርጉ ሁኔታዎች ያጋጥሙናል። ይሁን እንጂ በመጽሐፍ ቅዱስ ውስጥ የሚገኙ መሠረታዊ ሥርዓቶች እንዲህ ያሉ አሉታዊ ስሜቶችን ማሸነፍ እንድንችል ይረዱናል።