21. የሚመጣው በረከት ምን ያህል የተሟላ እንደሆነ ግለጽ።

²¹ “በረጅሙ ተራራ ሁሉ ከፍ ባለውም ኮረብታ ሁሉ ላይ ወንዞችና የውኃ ፈሳሾች ይሆናሉ።” (ኢሳይያስ 30:​25)c ኢሳይያስ የይሖዋ በረከት ምን ያህል የተሟላ እንደሆነ ጎላ አድርጎ ለማሳየት ተስማሚ መግለጫ ተጠቅሟል። የውኃ እጥረት አይኖርም። ውድ ነገር የሆነው ውኃ በረባዳማ መሬቶች ላይ ብቻ ሳይሆን በየተራራው ሁሉ ‘በረጅሙ ተራራና ከፍ ባለው ኮረብታ ሁሉ’ ላይ ሳይቀር ይፈስሳል። አዎን፣ ረሃብ የተረሳ ነገር ይሆናል። (መዝሙር 72:​16) ከዚያም ነቢዩ ትኩረቱን ከተራራም በላይ ከፍ ወዳሉ ነገሮች ያዞራል። “እግዚአብሔርም የሕዝቡን ስብራት በጠገነ ዕለት፣ መቅሠፍቱ የቈሰለውንም በፈወሰ ዕለት፣ የጨረቃ ብርሃን እንደ ፀሐይ ብርሃን፣ የፀሐይም ብርሃን እንደ ሰባት ቀን ብርሃን ሰባት እጥፍ ይሆናል።” (ኢሳይያስ 30:​26) ለዚህ ድንቅ ትንቢት ይህ እንዴት ያለ አስደሳች መደምደሚያ ነው! የአምላክ ክብር በሙሉ ኃይሉ ደማቅ ሆኖ ይበራል። ለታመኑት የአምላክ አገልጋዮች የተዘጋጁት በረከቶች ከዚያ ቀደም ከታየው ሁሉ በበለጠ መጠን ሰባት እጥፍ ሆነው ይፈስሳሉ።

[በገጽ 311 ላይ የሚገኝ ሥዕል]

“ከፍ ባለውም ኮረብታ ሁሉ ላይ ወንዞችና የውኃ ፈሳሾች ይሆናሉ”