ምዕራፍ 45

ገለልተኛ መሆን ማለት ምን ማለት ነው?

በወረቀት የሚታተመው

ኢየሱስ ተከታዮቹ “የዓለም ክፍል” መሆን እንደሌለባቸው አስተምሯል። (ዮሐንስ 15:19) ይህም ገለልተኛ መሆንን ማለትም በዓለም የፖለቲካ ጉዳዮችና ጦርነቶች ላይ የትኛውንም ወገን አለመደገፍን ይጨምራል። እንደ እውነቱ ከሆነ ገለልተኛ መሆን ቀላል የማይሆንበት ጊዜ አለ። በዚህ አቋማችን ምክንያት ሰዎች ሊያሾፉብን ይችላሉ። ታዲያ ምንጊዜም ገለልተኛ በመሆን ለይሖዋ አምላክ ታማኝ እንደሆንን ማሳየት የምንችለው እንዴት ነው?

1. እውነተኛ ክርስቲያኖች ለዓለም መንግሥታት ምን አመለካከት አላቸው?

ክርስቲያኖች መንግሥትን ያከብራሉ። ኢየሱስ እንዳለው ‘የቄሳር የሆነውን ለቄሳር ለመስጠት’ ማለትም የአገሪቱን ሕጎች ለመታዘዝ ጥረት እናደርጋለን፤ ለምሳሌ ቀረጥ እንድንከፍል የሚያዝዙ ሕጎችን እንጠብቃለን። (ማርቆስ 12:17) መጽሐፍ ቅዱስ የዓለም መንግሥታት እየገዙ ያሉት ይሖዋ እንዲገዙ ስለፈቀደላቸው እንደሆነ ያስተምራል። (ሮም 13:1) በመሆኑም መንግሥታት ያላቸው ሥልጣን ከአምላክ አንጻር ሲታይ አነስተኛ ወይም የተገደበ መሆኑን እንገነዘባለን። የሰው ልጆችን ችግሮች መፍታት የሚችለው አምላክና እሱ በሰማይ ያቋቋመው መንግሥት ብቻ እንደሆነ እናምናለን።

2. ገለልተኛ መሆናችንን ማሳየት የምንችለው እንዴት ነው?

ልክ እንደ ኢየሱስ ሁሉ እኛም ፖለቲካ ውስጥ አንገባም። ኢየሱስ ምድር ላይ ሳለ ሕዝቡ እሱ የፈጸመውን ተአምር አይተው ሊያነግሡት በሞከሩ ጊዜ ፈቃደኛ አልሆነም። (ዮሐንስ 6:15) ለምን? ምክንያቱም በኋላ ላይ እንደተናገረው ‘መንግሥቱ የዚህ ዓለም ክፍል አይደለም።’ (ዮሐንስ 18:36) እኛም የኢየሱስ ደቀ መዛሙርት እንደመሆናችን መጠን ገለልተኛ መሆናችንን በተለያዩ መንገዶች እናሳያለን። ለምሳሌ ያህል፣ በጦርነት አንካፈልም። (ሚክያስ 4:3⁠ን አንብብ።) እንደ ባንዲራ ያሉ ብሔራዊ ዓርማዎችን የምናከብር ቢሆንም ለአምላክ የምንሰጠውን ዓይነት ክብር አንሰጣቸውም። (1 ዮሐንስ 5:21) በተጨማሪም የትኛውንም የፖለቲካ ፓርቲ ወይም የፓርቲውን ዕጩ አንደግፍም ወይም አንቃወምም። በእነዚህና በሌሎች መንገዶች ለአምላክ መንግሥት ሙሉ በሙሉ ታማኝ እንደሆንን እናሳያለን።

ጠለቅ ያለ ጥናት

የገለልተኝነት አቋምን ሊፈትኑ የሚችሉ ሁኔታዎችን እንመለከታለን፤ በተጨማሪም ይሖዋን የሚያስደስቱ ውሳኔዎችን ማድረግ የምትችለው እንዴት እንደሆነ እንመረምራለን።

የገለልተኝነት አቋሙን የጠበቀ አንድ ሰው። ተቀናቃኝ የፖለቲካ ፓርቲ ዕጩዎች ለሕዝቡ ለሚሰጡት ንግግር ምንም ትኩረት አይሰጥም

3. እውነተኛ ክርስቲያኖች ገለልተኞች ናቸው

ኢየሱስና ተከታዮቹ ጥሩ ምሳሌ ትተውልናል። ሮም 13:1, 5-7⁠ን እንዲሁም 1 ጴጥሮስ 2:13, 14⁠ን አንብቡ። ከዚያም ቪዲዮውን ተመልከቱና በሚከተሉት ጥያቄዎች ላይ ተወያዩ፦

ቪዲዮ፦ እውነተኛ ክርስቲያኖች ገለልተኞች ናቸው—ክፍል 1 (4:28)

ባለሥልጣናትን ልናከብር የሚገባው ለምንድን ነው?
ለእነሱ እንደምንገዛ ማሳየት የምንችልባቸው አንዳንድ መንገዶች የትኞቹ ናቸው?

በጦርነት ወቅት አንዳንድ አገሮች፣ ሁለቱንም ወገኖች እየደገፉ ገለልተኛ እንደሆኑ ይናገራሉ። በእርግጥ ገለልተኛ መሆን ማለት ምን ማለት ነው? ዮሐንስ 17:16⁠ን አንብቡ። ከዚያም ቪዲዮውን ተመልከቱና በሚከተለው ጥያቄ ላይ ተወያዩ፦