Quelluntucufinge ti trahunche

Fillque trahunche huall Mapu meu, fentren che ayühunquechi poyequefi ta Jehová. Pu peñi ca pu lamngen falintuquefingün ñi feipingeel trahunche meu ca fillque cüdau femqueingün ñi quelluntucuafiel ti trahunche. Eimi, ¿femngechi raquiduamqueimi ti trahunche mu?

1. Tami tiempo ca tami nehuen mu, ¿chumngechi quelluntucuafuimi tati trahunche mu?

Com quelluafuiñ taiñ trahunche mu. Tami trahunche meu mülele füchache cam cutrancülechi che, ¿yemeafuimi engün ñi amual trahun mu? ¿Ngillacameafuimi quiñeque chemcün ñi duamnieel engün? Cam ¿quelluafuimi ñi liftulelmeafiel tañi ruca engün? (Papeltuaimi Santiago 1:27). ¿Ca chem chumafuiñ taiñ quelluntucual? Quelluafuiñ liftunieafiel taiñ trahunhue ruca. Inei no rume obligaquelaeiñmu taiñ femngechi quelluntucual, doi mai fente taiñ piuqueyeniefiel ta Jehová ca taiñ pu peñi ca pu lamngen ‘ayühun mu eluucüleiñ’ taiñ quellual (Salmo 110:3).

Pu deu fautizalelu quelluntucuafuingün caquelu dungu meu tati trahunche mu. Pu peñi inaniele ñi feipin ta Biblia, elfalcünungeafuingün ñi quelluafiel pu loncolelu ca amulele ta tripantu ca loncolerpuafuingün trahunche mu. Cafei com pu peñi ca pu lamngen eluhuafuingün ñi precursorngeal engün, femngechi ñi doi amuldungucheal. Ca quiñeque cüdauqueingün ñi deumayal trahunhue ruca. Ca caquelu amuqueingün ca mapu meu ñi quelluafiel trahunche duamnielu quellun.

2. ¿Chumngechi quelluntucuafuiñ ti trahunche taiñ hulqueelchi chemcün meu?

Biblia feipi: “Püramyeafimi ta Jehová tami falinque chemcün meu” (Proverbios 3:9). Iñchiñ ayühunquechi pünequeiñ taiñ plata ca taiñ chemcün quelluntucual taiñ trahunche ca taiñ amuldungun cüdau huall Mapu meu. Ca taiñ hulqueel meu ca quellungequei taiñ pu peñi ca pu lamngen rupamequelu huesaque dungu meu (papeltuaimi 2 Corintios 9:7). Fentren peñi ca lamngen ‘huichucünuqueingün plata’ cam tañi nieel engün ñi quelluntucual (papeltuaimi 1 Corintios 16:2). Huelu, ¿cheu chi hulafuiñ taiñ plata? Femafuiñ taiñ Trahunhue Ruca mu cam conafuiñ internet mu ca amuafuiñ ta donate.jw.org mu. Taiñ hulqueel meu pengelelafuiñ ta Jehová tunte taiñ piuqueyeniefiel.

DOI QUIMAIMI

3. Hulafuiñ taiñ nieelchi chemcün

Jehová ca Jesús piuqueyeniefi feichi ayühun mu hulquelu, feimu Jesús falintufi quiñe pofre lantu domo hul-lu tañi nieel. Papeltuaiñ Lucas 21:1-4, ca ngüneduamaiñ tüfachi epu ramtun:

• ¿Mülei taiñ hulal fentren plata tañi ayüucüleal ta Jehová?

• Com piuque mu hul-liyiñ, ¿chum duamquei Jehová ca Jesús?

Taiñ quimal chumngequei taiñ hulqueelchi plata mu, peaiñ ti VIDEO ca ngüneduamaiñ tüfachi ramtun:

VIDEO: Nülakünuaiñ reke taiñ kuwü ñi wülafiel ta Jewba kiñe mañumtun (4:52)

• Taiñ hulqueel mu, ¿chumngechi cümelcangei fillque trahunche huall Mapu meu?

4. Eluhuaimi tami quelluntucual

Biblia pengeli pu poyequefilu ta Jehová cuifi mu, eluhuingün ñi adelcanieafiel ca cüme elcünutuafiel cheu ñi poyengequefel ta Jehová. Huelu re plata meu müten quelluntucuquelaingün. Papeltuaiñ 2 Crónicas 34:9-11, ca ngüneduamaiñ tüfachi ramtun:

• ¿Chem femingün pu israelche ñi cuidayafiel cheu ñi poyengequen ta Jehová?

Taiñ quimal chumngechi pu Dunguquelu Ineingen Jehová inayentuquefi ñi femquefel pu israelche, peaiñ ti VIDEO ca ngüneduamaiñ tüfachi epu ramtun:

VIDEO: Küme adnieafiyiñ taiñ Trawünwe Ruka (3:31)

• ¿Chumngelu (chemu) rume falin-ngei ñi lifcüleal ca cüme adcüleal taiñ trahunhue ruca?

• ¿Chumngechi quelluntucuafuimi?

5. Pu huentru eluhuafuingün ñi doi cüdahual trahunche mu

Tati Biblia yafültucuquefi pu huentru trahunche meu ñi cüdahual com tañi piuque meu, femngechi ñi quelluafiel tati trahunche. Inaduamaiñ chumi quiñe huentru trahunche mu ñi cüdahual com tañi piuque mu. Peaiñ ti VIDEO, ca ngüneduamaiñ tüfachi ramtun:

VIDEO: Pu peñi: Newentuleaymün ñi diturpual kiñe küme küdaw (5:24)

• René, ¿chem chumi ñi doi quelluntucual ti trahunche mu?

Biblia feipilei chem mülei ñi femal pu huentru ayünielu ñi quellual pu loncolelu cam loncolerpual trahunche meu. Papeltuaiñ 1 Timoteo 3:1-13, ca ngüneduamaiñ tüfachi cüla ramtun:

• ¿Chem mülei ñi femal pu huentru ayünielu ñi quellual pu loncolelu cam loncolerpual trahunche meu?

• Pu huentru ñi familia engün, ¿chem mülei ñi femal? (Pefinge 1 Timoteo 3:4, 11).

• Pu huentru inaniele ñi feipin Biblia, ¿chumleai tati trahunche?

TAMI QUIMEL

Jehová rume falintuquefi hulquen mu taiñ tiempo, taiñ nehuen ca taiñ chemcün ñi quellual ti trahunche.

¿Chem piafuimi?

• Ti trahunche mu, ¿chumngechi quelluntucuafuiñ taiñ tiempo ca nehuen mu?

• Taiñ trahunche mu, ¿chumngechi quelluntucuafuiñ taiñ chemcün meu?

• Eimi cai, ¿chumngechi quelluntucuafuimi ti trahunche mu?

CA PEAFUIMI

Ngüneduamnge chumngelu Chau Dios pediquelafi tañi pu poyequeteu ñi hulal tati diezmo.

“¿Chem feipi tati Biblia diezmo mu?” (Troquiñ internet mu)

Biblia feipi pu huentru fautizaucülelu elfalcünungei quiñeque cüdau. Huelu tüfachi cüdau quiñe lamngen mülele ñi entuafiel, ¿chumafui?

“Tunten autoridad niey pu longkolelu?” (Ti Huerquen febrero, 2021)

Pefinge chumngechi ñi yafüluuquen quiñeque peñi ñi hulafiel fillque papel Biblia meu tañi pu peñi ca pu lamngen.

Wülngekey fillke papil Congo mapu mu (4:26)

Pefinge chumngechi taiñ hulqueelchi plata trürümfal-lai caquelu religion mu.

“¿Chumngechi cullingequei taiñ amuldungun cüdau?” (Troquiñ internet mu)