¿Chumngechi adniengei ti trahunche?

Jehová ayüniei com ñi cüme adcüleal ca cüme feleal, feimu tañi troquiñche ca mülei ñi cüme adcünungeal (1 Corintios 14:33). Fei, ¿chumngechi adcünungequei taiñ trahunche? Caque quiñeque iñchiñ, ¿chem chumafuiñ ñi com cüme amuleal trahunche meu?

1. ¿Inei am loncolei ti trahunche meu?

Biblia feipi: “Cristo loncolei ti trahunche meu” (Efesios 5:23). Jesús huenu meu, adniequefi Jehová tañi pu che huall Mapu meu. Jesús elcünui quiñeque adümuucülechi loncolelu ñi adnieafiel Jehová tañi pu che, fei tüfa engün “ti quim manelfal cüdaufe” cam ti Troquiñ Adniechequelu feipingeingün. Cuerpo Gobernante ca feipingequeingün (papeltuaimi Mateo 24:45-47). Cuifi meu, pu apostol ca quiñeque loncolelu Jerusalén huaria meu adniefingün Jehová tañi pu che, fei fantepu meu ca femngechi femquei tüfachi troquiñ loncolelu (Hechos 15:2). Ngencauquelaingün Jehová tañi pu che meu, papeltuqueingün Biblia ñi quimal Jehová tañi ayüqueel ca eluuqueingün ñi adnieaeteu Jesús.

2. ¿Chem cüdau femquei tati pu loncolelu?

Pu loncolelu cüme hueniyequefingün ta Jehová. Elfalcünungei ñi quimeltual Biblia tañi feipin ca yafültucuafiel Jehová tañi pu che. Tüfachi pu huentru cofraquelaingün. Biblia feipifi pu loncolelu: “Cüme duam mu femaimün Chau Ngünechen ñi adquiñ meu. Cafei diñmatulayaimün tamün huehual plata, doi mai yafüluhun mu cüdahuaimün” (1 Pedro 5:1, 2). Pu loncolelu nieingün quiñeque peñi tañi quelluqueteu trahunche meu. Tüfachi pu peñi rupale ta antü ca pepicaucüleafuingün ñi loncolerpual.

Tati Cuerpo Gobernante elfalcünuquefingün quiñeque loncolelu ñi pemeafiel fillque trahunche, tüfa engün huitran-ngepaquechi loncolelu pingequeingün. Tüfa engün ngülamtuquefingün ca yafültucuquefingün ti trahunche. Cafei ngüneduamqueingün chem peñi inaniemequei Biblia ñi feipin, femngechi ñi loncocünungeal trahunche meu cam quelluquelu trahunche meu feipingeal (1 Timoteo 3:1-10, 12; Tito 1:5-9).

3. ¿Chem cüdau femqueiñ caque quiñeque iñchiñ?

Com pu peñi ca pu lamngen trahunche meu fillque dungu femqueingün ñi coneltuleal trahun mu ca com tañi nehuen meu amuldunguqueingün, femngechi püramyequefingün ta Jehová (papeltuaimi Salmo 148:12, 13).

DOI QUIMAIMI

4. Jesús piuqueyechefengei

Jesús quiñe falin dungu feipieiñmeu. Papeltuaiñ Mateo 11:28-30, ca ngüneduamaiñ tüfachi ramtun:

• ¿Chumngei Jesús tañi loncolen? ¿Ca chumngechi ayüquei taiñ duamcüleal tañi loncolen mu?

VIDEO: Pu loncolelu quelluingün fütra nüyülu Nepal mapu meu (4:56)

Biblia cüme quimfalcünui chumngechi pu huentru mülei ñi loncoleal trahunche meu.

Papeltuaiñ Isaías 32:2 ca 1 Pedro 5:1-3, fei ngüneduamaiñ tüfachi epu ramtun:

• Jesús reque, pu loncolelu eluucüleingün ñi yafültucuafiel tati pu che, ¿chum duamelqueimu quimtucun mu tüfa?

• ¿Ca chem chumquei pu loncolelu ñi inayentuafiel ta Jesús?

5. Tañi femquen mu pu loncolelu quimeltuchequei

VIDEO: Eimün pu loncolelu huneleaimün ti cüdau mu (7:39)

Jesús feipicünui chem mülei ñi femal pu loncolealu trahunche meu. Papeltuaiñ Mateo 23:8-12, ca ngüneduamaiñ tüfachi ramtun:

• Biblia ñi feipin meu, ¿chem ngelai ñi femal pu loncolelu trahunche meu? Tati pu loncolelu coilaque religion meu, ¿femquepeingün mai Biblia ñi feipin?

1. Pu loncolelu cüme hueniyefi ta Jehová ca quelluniequefi quisu tañi pu familia ñi hueniyeafiel ta Jehová.

2. Pu loncolelu duamtuquefingün com ti trahunche.

3. Tati pu loncolelu amuldunguqueingün.

4. Pu loncolelu quimeltuchequeingün, huelu ca femqueingün caquelu cüdau trahunche meu.

6. Iñchiñ quelluntucuquefiyiñ pu loncolelu

Biblia feipieiñmeu taiñ quelluntucuafiel pu loncolelu. Papeltuaiñ Hebreos 13:17, ca ngüneduamaiñ tüfachi ramtun:

• Biblia ñi feipin meu, ¿chumngelu (chemu) eluucüleaiñ taiñ inanieafiel chem taiñ feipieteu pu loncolelu? Eimi, ¿chem raquiduamimi tüfachi dungu meu?

Papeltuaiñ Lucas 16:10, ca ngüneduamaiñ tüfachi ramtun:

• ¿Chumngelu falin-ngei taiñ quelluntucuafiel pu loncolelu pichiquen dungu meu rume?

TAMI QUIMEL

Jesús loncolei ti trahunche mu. Jesús adniequefi tati pu loncolelu, fei tüfa engün tañi femün meu quimeltuqueiñmeu ca quelluqueiñmeu, feimu iñchiñ ayühunquechi quelluntucuqueiñ.

¿Chem piafuimi?

• ¿Inei am loncolei ti trahunche meu?

• Pu loncolelu, ¿chumngechi quelluquefingün tati trahunche?

• ¿Chem cüdau femqueiñ caque quiñeque iñchiñ trahunche meu?

CA PEAFUIMI

Peaimi chumngechi tati Cuerpo Gobernante ca pu loncolelu pengeli ñi duamtuniefiel Jehová tañi pu che.

Yafültucungei pu peñi ca pu lamngen caiñetungelu (4:22)

Peaimi chumquei pu peñi elfalcünungelu ñi pemeafiel fillque trahunche.

Pu huitran-ngepaquechi loncolelu camapu ñi amuquen (4:51)

Ngüneduamnge chem cüdau ñi femqueel pu domo trahunche mu.

“Pu Dunguquelu Ineingen Jehová, ¿elupefingün mai pu domo ñi quimeltucheal?” (Ti Huerquen 1 septiembre, 2012)

Ngüneduamnge fente ñi cüdauquen pu loncolelu ñi yafültucuafiel pu peñi ca pu lamngen.

Pu loncolelu quelluqueiñmu taiñ ayüucüleal” (Ti Huerquen 15 enero, 2013)