¿Famentupeafimi mai ta Jesús?

 1. Hue quimeltuchelu eimi ti rüf dungu, ¿chumngelu hueñancüafuimi?

¿ACORDAIMI tami quimfiel ti rüf dungu? Quimfilu eimi müna adümfali, “¡feitaque ta cüme dungu!” pipelaimi. Eimi raquiduamimi chi: “Tañi pu che allcütule tüfa, quelluaeyu ñi rüf ayüucüleal ca ñi nieal ta maneluhun” (Sal. 119:105). Eimi maneluucüleimi tami allcütuaeteu engün, feimu quimelelfimi ti rüf dungu. Huelu, ¿chumingün? Pilaingün tami allcütueteu, müna hueñancüpelaimi.

2, 3. Mülepalu Jesús Mapu mu, ¿chumngechi llohueyu pu che?

² Afmatulayaiñ taiñ allcütunoeteu pu che. ¿Chumngelu? Mülepalu mapu mu, Jesús fentren afmatufal dungu femi. ¡Quimfali Jehová ñi quellueteu! Tunte felefulu rume, fentren che allcütulaeyu. Raquiduamnge tüfachi dungu ñi femün Jesús: huiñomongeltufi ta Lázaro, fei ñi pu caiñe quimniefuingün ñi rüfngen Jesús tañi femün. Femlu rume, feyentulaingün Jesús tañi Mesíasngen. Cüpa langümfingün ta Jesús ca Lázaro (Juan 11:47, 48, 53; 12:9-11).

³ Jesús feipifi ta quiñeque che inaniefilu ta Juan el Bautista: “¡Ayühun niei tati huelulcaunolu ñi maneluhual iñche meu!” (Mat. 11:2, 3, 6). Feimu Jesús quimniefui fentren che ñi famentuaeteu ca ñi feyentunoal engün ñi Mesíasngen (Juan 5:39-44).

 4. ¿Chem inaduamaiñ tüfachi troquiñ mu?

⁴ Tüfachi troquiñ mu ca ti cüpalelu inaduamaiñ chumngelu pu che famentufi ta Jesús. Ca inaduamaiñ chumngelu fentren che pilai taiñ allcütuaeteu. Doi mai ngüneduamaiñ chem mülefui taiñ femal taiñ maneluucüleal Jesús mu, fei taiñ inanieafiel.

 5. Quiñeque che, ¿chumngelu famentufi ta Jesús?

⁵ Tati pu che quimniefui Jesús ñi cüme enseñachequefel ca ñi femquefel afmatun dungu, huelu Jesús tañi pu familia müna pofrengefui. ¿Feimu peno famentueyu pu che? ¿Ca chemu famentungei Jesús? Fei tripai quiñe pichi huaria mu, Nazaret pingelu, nehue falintungequelafui tüfachi huaria. Natanael cütu petu ñi inanofiel ta Jesús feipi: “¿Chem cüme dungu am tripayafui Nazaret huaria mu?” (Juan 1:46). ¿Chumngelu feipi tüfa? Natanael cam nehue falintuquelafui chi tüfachi huaria. Ca raquiduamquepelafui ñi chem pin Miqueas capitulo 5, versiculo 2. Feita mu feipi tati Mesías ñi choyüngeal Belén mu, huelu Nazaret mu no.

 6. Feichi pu che famentufilu Jesús, ¿chem mülefui ñi femal?

⁶ ¿Chem quimeltuquei Biblia? Ti profeta Isaías feipicünui Jesús ñi pu caiñe duamquelafuingün doi quimal cheu ñi cüpan ta Jesús (Is. 53:8). Fillque profecia mu, feipicünungei fentren dungu tati Mesías mu. Pu che eluucülefule ñi doi quimafiel ta Jesús, quimtucuafui Jesús ñi choyüngen Belén mu ca David ñi cüpanchengen (Luc. 2:4-7). Feimu rüf tripai ñi feipicünuel Miqueas. Feichi pu che mülefui ñi doi cüme quimafiel ta Jesús, huelu femlaingün. Aporiauquechi juzgafingün ca famentufingün (Miq. 5:2).

 7. ¿Chumngelu fentren che conquelai Jehová ñi troquiñche mu?

⁷ ¿Ca femngechi dungu rupaquei fachantü? Femllei mai. Iñchiñ, pu testigo, ülmenchengelaiñ, feimu “müte nielaingün educacion” pingequeiñ (Hech. 4:13). Feimu quiñeque che feipiquei iñchiñ adümuucülelaiñ taiñ quimeltucheal Biblia. Caquelu che feipiquei pu testigo ñi religion cüpai pu gringo mu, huelu quiñeque testigo müten mülei Estados Unidos mapu mu. Caquelu che feipingequei taiñ feyentunon Jesús mu ca feipingequei taiñ cüpa ngünencachequen. Cafei “secta”, “extremista” ca caquelu femngechi dungu pingequeiñ. Fentren che allcütun mu tüfa, eluulai ñi doi cüme quimafiel pu testigo. Fei tüfa catrütueyu ñi conal Jehová ñi troquiñche mu.

 8. Ñi feipin Hechos 17:11, ¿chumngechi quimafuimi inei engün rüf poyequefi ta Chau Dios?

⁸ ¿Chem quelluaimu tami maneluucüleal Jesús mu? Cüme ngüneduamaimi ñi rüfngepen mai tami feipingeel. Tüfa ñi femün ta Lucas. Petu ñi huirintucunon tañi lifru, fei ‘inaramtui chumngechi ñi rupan com tüfachi dungu’. ¿Chumngelu femi tüfa? Lucas ayüfui ñi manelfalngeal chem tañi huirintucual (Luc. 1:1-4). Ca femngechi femingün pu cristiano Berea huaria mu mülelu engün. Hue allcülu engün Jesús mu, hune ngüneduamingün ñi rüfngepen mai chem ñi feipingeel (papeltunge Hechos 17:11). Eimi ca femngechi mülei tami femal. Cüme ngüneduamaimi ñi rüfngepen mai tami feipingeel. Trürümafimi ñi feipin Biblia ca tami quimeltueteu pu testigo. Ca ngüneduamafuimi ñi femqueel pu testigo famülque mu. Cüme ngüneduamfilmi com ti dungu, aporiauquechi juzgalayaimi ca ngünencangelayaimi.

 9. Jesús pilai ñi femal quiñe afmatun dungu, ¿fei chem rupai?

⁹ Jesús müna cüme enseñachequefui, huelu tati pu che feipieyu ñi pengelal quiñe afmatun dungu Chau Ngünechen mu cüpalu. ¿Chumi Jesús? Pilai ñi femal femngechi dungu, feimu famentueyu pu che (Mat. 16:1). Jesús, ¿chumngelu feipingei ñi femal quiñe afmatun dungu? Tati pu che cüme adümlafingün chi ñi feipin Daniel cuifi mu. Huelu Jehová petu puulafui ñi huechurpual feitachi profecia (Dan. 7:13, 14). Tati pu che mülefui ñi feyentuafiel ta Jesús tañi quimeltuel mu müten. Duamfalngelafui ñi femal afmatun dungu ta Jesús (Mat. 16:4).

10. Ñi feipicünuel Isaías, ¿chumngechi femtripai Jesús mu?

¹⁰ ¿Chem quimeltuquei Biblia? Isaías feipicünui Jesús mu: “Huirarlayai ca nehuentudungulayai, tañi dungun allcütuñmangelayai calle mu” (Is. 42:1, 2). Miyaupalu Mapu mu, Jesús ayülafui ñi poyengeal. Jesús deumaquelafui fütraque templo ca yeniequelafui falinque tacuhun. Cafei ayülafui ñi üitungeal chumngechi üitungequefel pu religioso. Petu juzgaeteu Herodes Jesús afmatulafui ñi montulaeteu ñi mongen huelu pilai ñi femal (Luc. 23:8-11). Jesús caque rupa femfui afmatun dungu, huelu doi falintuquefui amuldungucheal. Feimu feipifi tañi pu inanieteu: ‘Feitachi dungu mu cüpan’ (Mar. 1:38).

11. ¿Chumngelu pu che piquelai taiñ allcütuaeteu?

¹¹ ¿Ca femngechi dungu rupaquei fachantü? Femllei mai. Iñchiñ pu testigo, cheu taiñ trahuluuquen niequelaiñ falinque chemcün, huelu mai taiñ Trahunhue Ruca lifcülequei ca adcülequei. Ca taiñ pu loncolelu ülmenque tacuhun yeniequelai ca üitungequelai chumngechi üitungequen pu loncolechi religioso. Com taiñ quimeltun Biblia mu cüpai. Iñchiñ doi falintuquefiyiñ taiñ quimeltucheal Chau Dios mu, huelu famülque mu tati pu che doi ayüqueingün ñi amual fütraque iglesia mu nielu falinque chemcün. Cafei caquerume üitun elngequei tati pu loncolechi religioso ñi falintungeal. Ca ayüqueingün ñi nieal fillque fiesta coilaque feyentun mu tuulu, huelu amuquelu feitachi trahun mu enseñalngequelai Dios mu. Feimu tati pu che famentuquei taiñ quimeltuqueel ca piquelai taiñ allcütuaeteu.

12. Ñi feipin Hebreos 11:1, 6, ¿chumafuiñ taiñ maneluucüleal Chau Dios mu?

¹² ¿Chem quelluaimu tami maneluucüleal Jesús mu? Ti apostol Pablo feipi: ‘Fei tati allcütulu Cristo tañi huercün dungu, fei ta feyentuafui’ (Rom. 10:17). Taiñ rüf maneluucüleal Jesús mu, mülei taiñ cüme ngüneduamafiel tati Biblia ca coneltulayaiñ chem fiesta mu no rume coilaque religion mu tuulu. Cafei com taiñ feyentuqueel cüpape Biblia ñi quimün mu. Feyentunoliyiñ Chau Dios mu, turpu tutelayafiyiñ. Biblia feipi: “Pu feyentuquelu Ngünechen mu rüf maneluuquei ñi femtripayal tañi üngümnieel. Ca cüme quimniei chem rüf quimfalcünuquei ñi mülen tati pequenoelchi dungu” (Hebreos 11:1, TNM; papeltunge Hebreos 11:6). Feimu taiñ maneluucüleal Chau Dios mu duamfalngelai taiñ peal afmatun dungu, doi mai cüme estudiayafiyiñ Biblia.

13. ¿Chemu fentren che illcutufi ta Jesús?

¹³ Cuifi mu Juan el Bautista ñi pu discipulo afmatuingün ñi ayunaquenon Jesús ñi pu inanieteu, fei Jesús feipieyu duamfalngelai ñi ayunayal che petu ñi mongelen ta Jesús (Mat. 9:14-17). Feingelu rume, pu fariseo condenafingün ta Jesús ñi inanofiel mu tañi huimtun engün. Cafei quiñeque caiñe pefilu Jesús ñi tremolfiel quiñeque che sabado antü mu, fei engün rume illcutufingün ta Jesús (Mar. 3:1-6; Juan 9:16). Fei engün feipiquefuingün: “Iñche cumpliquen ti Ley sabado antü mu”. Huelu catrütuquelafuingün tati pu che ñi fendeal fillque chemcün ti ngillatuhue ruca mu, fei Jesús feipieyu ñi huesalcamequen engün. Feimu rume illcuingün (Mat. 21:12, 13, 15). Cafei tati pu che mülelu Nazaret mu, quisu duamuuquefuingün ca feyentuquelafingün ta Jesús. Fei Jesús conpulu ti ngillatuhue ruca mu, trürümfi ñi femün engün tati pu israelche mu ca feipifi ñi huesalcamequen engün (Luc. 4:16, 25-30). Jesús inanofilu fei engün ñi huimtun, feimu famentungei (Mat. 11:16-19).

14. Jesús, ¿chumngelu condenafi tati pu che?

¹⁴ ¿Chem quimeltuquei Biblia? Jehová feipi: “Tüfachi pu che iñche fülcontueneu re dungun meu müten ca re hun meu müten püramyequeneu. Huelu ñi piuque rume camapulei iñche meu. Huentru ñi ngülam quimelngequeingün feimu inaquefingün, fei ‘iñche Dios yamquefiñ’ piqueingün” (Is. 29:13). Fentren che inaquefui huentru ñi ngülam ñi inayafiel Chau Dios ñi ngülam. Femngechi fentren che famentufi ta Jehová ca Jesús, feimu Jesús condenaeyu engün ñi huesaque femün mu.

15. ¿Chumngelu fentren che illcutuquefi pu testigo?

¹⁵ ¿Ca femngechi dungu rupaquei fachantü? Femllei mai. Iñchiñ, pu testigo, celebraquelaiñ tati huimtun ñi condenaqueel Biblia. Quiñeque tüfa Navidad ca cumpleaño, feimu pu che illcutueiñmu. Caquelu che mallmauquei tañi tuhun mapu mu, fei celebraquei quiñeque fiesta ñi condenaqueel Biblia. Iñchiñ conquenoel feichi dungu mu, feimu illcutueiñmu pu che. Tüfachi pu che cüme femmequelu troquiuquepelaingün. Huelu elcünunofile ti huesaque huimtun, Jehová cüme lloulayaeyu (Mar. 7:7-9).

16. ¿Chem mülei tami femal? (Salmo 119:97, 113, 163-165).

¹⁶ ¿Chem quelluaimu tami maneluucüleal Jesús mu? Mülei tami rume falintuafiel Jehová tañi ngülam ca tañi huercün dungu. Biblia feipi: “¡Müna piuqueyefiñ tami ley! Com antü raquiduamniefiñ. Iñche üdeniefiñ pu epu rume piuque nielu, huelu piuqueyeniefiñ tami ley. Iñche üdequefiñ ti coila dungu, ünufalniefiñ, huelu piuqueyeniefiñ tami ley. Regle rupa ti antü meu püramyequeyu, eimi am juzgachequelu nor dungu mu. Fentren tüngün nieingün tati pu piuqueyequefilu tami ley; ca chem no rume huelulcalayafeyu” (Salmo 119:97, 113, 163-165). Rüf piuqueyefilmi ta Chau Jehová, famentuafimi chem huesa dungu rume ñi üdequeel. Doi piuqueyeafimi ta Jehová chem dungu meu rume.

17. Pu che, ¿chem ayüquefui ñi femal Jesús?

¹⁷ Jesús ñi antü mu. pu judio ngüneniequefeyu pu romano. Feimu ayüniefuingün ñi cambiangeal ti gobierno, fei Jesús ñi lifrenentuaeteu engün. Ayüfuingün Jesús ñi gobernantengeal, huelu Jesús pilai (Juan 6:14, 15). Pu sacerdote llicalefuingün ñi ngünenieaeteu Jesús. ¿Chumngelu? Pu romano elufingün autoridad tati pu sacerdote. Feimu ngüneniefile Jesús, pu romano rume illcuafuingün, fei müntuñmangetuafui ti autoridad pu sacerdote. Fentren judio concülelu politico dungu mu famentufingün ta Jesús.

18. Pu che, ¿chumngelu huelulcalefui ñi raquiduam Jesús mu?

¹⁸ ¿Chem quimeltuquei Biblia? Biblia mu feipicünungei Jesucristo ñi huehual quiñe fütra quehuan mu. Huelu petu ñi femnon tüfa, mülefui ñi layal pu che ñi culpan mu (Is. 53:9, 12). Feingefulu rume, ¿chumngelu pu che huelulcalefui ñi raquiduam Jesús mu? Pu che inaduamquelafuingün com tati pu profecia, doi mai inaduamquefuingün feiti profecia ñi cümelcafemaeteu müten (Juan 6:26, 27).

19. ¿Chumngelu fentren che famentuqueiñmu?

¹⁹ ¿Ca femngechi dungu rupaquei fachantü? Femllei mai. Pu che ayüquei iñchiñ pu testigo taiñ votayal, huelu conquelaiñ politico dungu mu, feimu votaquelaiñ. Dulliliyiñ ñi ngünenieal quiñe che, famentuafiyiñ ta Jehová (1 Sam. 8:4-7). Caquelu pu che ayüniefuingün taiñ quelluconal ñi deumangeal pital cam femal caquelu dungu ñi quelluafiel ta che. Iñchiñ doi falintuquefiyiñ taiñ amuldungun cüdau, feimu famentuqueiñmu pu che.

20. Ñi feipin Mateo 7:21-23, ¿chem dungu doi falin-ngei taiñ femal?

²⁰ ¿Chem quelluaimu tami maneluucüleal Jesús mu? (Papeltunge Mateo 7:21-23). Acordanienge: ti doi falin dungu taiñ femafel fei ta quimeltucheal (Mat. 28:19, 20). Iñchiñ inaquintuquelaiñ chumngechi norümtual huesaque dungu mapu mu. Tüfa, ¿feipipei mai taiñ duamtuchequenon? Femlai llemai. Iñchiñ rume piuqueyequefiyiñ tati pu che ca duamtuquefiyiñ, feimu enseñaquefiyiñ engün Chau Jehová ñi Gobierno mu ca quelluquefiyiñ ñi hueniyeafiel ta Jehová.

21. ¿Chumaiñ com iñchiñ?

²¹ Tüfachi troquiñ mu inaduamiyiñ chumngelu tati pu che famentufi Jesús cuifi mu ca chumngelu famentuqueiñmu famülque mu. Huelu, ¿tüfachi dungu meu müten famentuqueiñmu pu che? Femlai, cüpalechi troquiñ mu inaduamaiñ ca meli dungu. Feimu, ¿chumaiñ com iñchiñ? Maneluucüleaiñ Jesús mu ca turpu famentulayafiyiñ.