11 Uk satajja jupajj sarakïnwa: “Kunanakatï alajjpachankir Reinot* imantatäki+ ukanakjja, Diosan yanaptʼataw jumanakajj amuyapjjtajja, jupanakajj janiw uka yanaptʼa katoqapkiti, ukatwa jan amuyapkiti.

25 Nayajj yatiykta uka suma yatiyäwinakarjama, Jesucristot yatiyaski uka yatiyäwirjamaw Diosajj suma saytʼatäpjjañamatak yanaptʼapjjätam. Uka suma yatiyäwinakasti Diosan imantat amtaparjamawa,+ juparakiw uk qhanstayi, walja tiempo imantatarakïnwa. 26 Jichhajj kuntï Diosajj imantkäna ukajj qhanstayatäjjewa. Profetanakan Qellqatanakapampiw taqe markankirinakajj kuntï Diosajj imantkäna ukanak yateqapjje. Ukajj wiñayatak jakiri Diosan arunakaparjamaw lurasi. Diosajj taqe markanakajj jupar creyipjjaspa, istʼapjjarakispa ukwa muni.