¿Kunanaksa Diosar adorañatakejj lurañasa?

Kunjamtï 13 yatichäwin yateqaniwayktanjja, janiw taqpach religionanakajj Diosamp katoqatäpkiti. Ukampis kunjam adoratäñtï Diosajj munki ukham adorasajj jupar kusisiysnawa. ¿‘Kunjam adorañasa’ jan ukajj ‘kuna religionasa’ Diosatakejj walïpacha? (Santiago 1:27, nota). Bibliajj kunsa yatichi uk yatjjatañäni.

1. Diosarojj kunjamsa adorañasa ukajj ¿kawkinsa qhanañchasi?

Kunjamas Diosar adorasiñapa ukajj Biblian qellqatawa. Jesusajja “arunakamajj cheqawa” sasaw Diosar säna (Juan 17:17). Yaqhep religionanakajja janiw Biblian cheqa yatichäwinakap yäqapkiti. Jan ukasti jaqenakan yatichäwinakaparjama costumbrenakaparjam sarnaqañakwa munapjje. Ukampis ‘mandamientonakap pʼakintirinakarojj’ janiw Jehová Diosajj katoqkiti (Marcos 7:9 liytʼäta). Maysa toqetjja, Biblian yatichäwinakaparjam sarnaqasasa ewjjtʼanakapar istʼasas Diosaruw kusisiytanjja.

2. ¿Kunjamsa Jehová Diosar adorañasa?

Jehová Diosaw jiwasar lurawayistu, ukatwa jupa saparuk jachʼañchañasa (Apocalipsis 4:11). Ukhamajj jupa saparukiw munasiñasa adorañasaraki, janipuniw idolonak toqesa ni yaqha ukhamanak toqes Diosar adorañasäkiti (Isaías 42:8 liytʼäta).

Adoratasajj “santo, Diosan chuymapar purtʼkiri ukhamäñapawa” (Romanos 12:1). Uka arunakajja Diosan leyinakaparjam sarnaqaña sañwa muni. Sañäni, khitinakatï Jehová Diosar munasipki ukanakajja, Diosajj kuntï matrimonio toqet arsuwayki ukarojj wali valoranitwa uñjapjje, ukarjam sarnaqañatakiw chʼamachasipjjaraki. Janiw droganakamp qolljasipkiti, ni cigarrsa fumapkiti, ni machantasipkisa, janirakiw yaqha ukham jan walinaksa lurapkiti.a

3. ¿Kunatsa Diosatakjam sarnaqañ munapki ukanakamp chikajj Jehová Diosar adorañasa?

Sapa semana apaski uka tantachäwinakanjja, ‘Jehová Diosaruw congregacionan jachʼañchsna’ (Salmo 111:1, 2). Diosar alabanzanak cantasa, yaqha ukhamanak lurasaw juparojj jachʼañchsna (Salmo 104:33 liytʼäta). Jehová Diosajj wal munasistu, tantachäwinakajj kusisit wiñay jakasiñatakiw yanaptʼistani uksa yatirakiwa, ukatwa tantachasiñas mayistu. Tantachasktan ukhajja maynit maynikamaw chʼamañchtʼastanjja.

JUKʼAMP YATJJATAÑÄNI

4. Diosarojj janiw idolonak toqejj adorañasäkiti

VIDEO: ¿Diosar idolonak toqe adorañajj walikïskiti? (3:26)

• Bibliajj qellqaskäna uka tiemponjja, Diosan servirinakapat yaqhepajj mä ídolo toqew Diosar adorapjjäna, ¿kunsa ukham lurir uñjasajj Diosajj luräna?

Yaqhepajj idolonak toqe adorasajj Diosan jakʼapankapkaspas ukhamwa amuyasipjje. Ukham lurasajj ¿janit Diosarojj maysar apanukupki? Éxodo 20:4-6; Salmo 106:35, 36 liytʼasajja aka toqetwa parltʼapjjäta:

• ¿Jaqenakarojj kunanak toqes Diosar adorir uñjirïta?

• ¿Kunsa Jehová Diosajj idolonak toqe adorañat amuyi?

• ¿Diosar adorañatak idolonak apnaqañajj jumatak walikïskiti? ¿Kunatsa ukham amuyta?

5. Jehová Diosaruk adorasajja janiw kʼari yatichäwinakamp engañjatäjjañäniti

VIDEO: Biblian cheqa yatichäwipaw libre jakasiñatak yanaptʼawayitu (5:16)

Salmo 91:14 liytʼasajja aka toqetwa parltʼapjjäta:

• Jiwasatï Jehová Dios saparuk adorañäni, jupar munasitas uñachtʼayarakiñäni ukhajja, ¿kunsa jupajj jiwas layku lurani?

6. Tantachäwinakanwa Diosar adortanjja

Congregacionamp chika tantachasktan ukhajja, cantasasa arstʼasasa Jehová Diosaruw jachʼañchtanjja, maynit maynikamas chʼamañchtʼasiraktanwa. Salmo 22:22 liytʼasajja aka toqetwa parltʼapjjäta:

• ¿Tantachäwinakan arstʼaski ukanak istʼañajj gusttamti?

• ¿Tantachäwin arstʼañatak wakichtʼasiñ munasmati?

7. Kuntï Bibliat yateqktan uk yaqhanakar parlañaswa Jehová Diosajj muni

Walja toqenakatwa kunanaktï Bibliat yateqktan uk yaqhanakar cuenttʼsna. Salmo 9:1; 34:1 liytʼasajja aka toqetwa parltʼapjjäta:

• Kunanaktï Bibliat yateqawaykta ukanakatjja, ¿kawkïrsa mayninakar cuenttʼañ munasma?

¿KUNSA YATEQAWAYTAN?

Jehová Diosarojja jupa saparuk adorasa, tantachäwinakan jupar jachʼañchasa, kuntï Bibliat yateqktan uk mayninakar cuenttʼasaw kusisiytanjja.

Amtañataki

• ¿Kunjam adoratäñsa Diosajj muni ukajj kawkinsa qhanañchasi?

• ¿Kunatsa Jehová Dios saparuk adorañasa?

• ¿Kunatsa Diosatakjam sarnaqañ munapki ukanakamp chik Diosar adorañasa?

JUKʼAMP YATJJATAÑAMATAKI

Idolonak jaytañatakejj kunas mä warmirojj yanaptʼäna uk yatiñatakejja, “Ya no soy esclava de los fetiches” sat cheqanwa liytʼasma.

“La Biblia les cambió la vida” (La Atalaya, 1 de julio de 2011)

Kunjamsa tantachäwinakan arstʼasma ukanakat mä qhawqha yatjjatam.

“Congregacionan Jehová Diosar jachʼañchapjjañäni” (Yatiyañataki enero 2019)

Mä waynatakejj tantachäwinakar sarañajj chʼamäkchïnsa, kunjamsa tantachäwinakajj yanaptʼäna uk videon uñtam.

Jehová Diosajj nayat wal llakisi (3:07)

Cristianonakaw cruz apnaqapjje sasaw walja jaqenakajj sapjje, ¿ukampis Diosar adorañatakejj cheqapunit cruz apnaqañasäspa?

“¿Por qué no usan la cruz los testigos de Jehová?” (Artículo de jw.org)