Зәбур
Дирижора. Гарун оғулларынын мәзмуру.
47 Әл чалын, еј халглар,
Зәфәр нидалары, севинҹ сәдалары илә Аллаһы мәдһ един!
2 Чүнки Һагг-Таала Јеһова зәһмлидир,
Бүтүн дүнја үзәриндә бөјүк падшаһдыр.
3 Үммәтләри бизә табе едәр,
Халглары ајағымызын алтына сәрәр.
4 Севдији Јагубун ифтихарыны,
Мирасымызы бизим үчүн О сечәр. (Селаһ)
5 Јеһова Аллаһ севинҹ сәдалары илә,
Шејпур сәсләри илә јүксәлди.
6 Тәрәннүм един Аллаһы, нәғмәләрдә тәрәннүм един!
Тәрәннүм един Падшаһымызы, нәғмәләрдә тәрәннүм един!
7 Чүнки Аллаһ бүтүн дүнјанын падшаһыдыр,
Ону нәғмәләрдә тәрәннүм един вә ағылла һәрәкәт един.
8 Аллаһ халглар үзәриндә падшаһ олду,
Аллаһ мүгәддәс тахтында әјләшиб.
9 Ибраһимин Аллаһынын халгы илә
Бир јерә топлашды халгларын әсилзадәләри.
Чүнки јер үзүнүн һакимләри Аллаһа мәхсусдур.
О, уҹалардан уҹадыр.