Зәбур
Дирижора. Ҝиттит* үчүн. Давудун мәзмуру.
8 Ја Рәббимиз Јеһова, бүтүн дүнјада исмин неҹә әзәмәтлидир,
Еһтишамыны ҝөјләрдән јүксәјә галдырдын!*
2 Сәнә гаршы чыханлардан өтрү,
Дүшмәни, гисасчыны сусдурмагдан өтрү
Ушагларын, көрпәләрин дили илә ҝүҹүнү ҝөстәрдин.
3 Хәлг етдијин ҝөјләрә, әлләринин ишинә,
Јаратдығын аја, улдузлара баханда дүшүнүрәм:
4 Фани инсан нәдир ки, ону хатырлајырсан?
Бәшәр оғлу нәдир ки, онун гејдинә галырсан?
5 Сән ону мәләкләрдән* бир аз ашағы јаратдын,
Башына шәрәф, әзәмәт таҹы гојдун.
6 Она әлләринин иши үзәриндә ағалыг вердин,
Һәр шеји ајаглары алтына атдын:
7 Бүтүн сүрүләри, нахырлары,
Бүтүн вәһши һејванлары,
8 Ҝөјдәки гушлары, дәниздәки балыглары,
Дәрјадакы ҹанлыларын һамысыны.
9 Ја Рәббимиз Јеһова, бүтүн дүнјада исмин неҹә әзәмәтлидир!