Zəbur

93 Yehova padşah oldu!+

Əzəməti geyindi,

Yehova qüdrətə büründü,

Onu qurşaq kimi taxdı.

Yer möhkəm qurulub,

Əsla sarsılmaz.

2 Taxtın əvvəldən qurulub,+

Sən əzəldən bəri varsan.+

3 Çaylar kükrədi, ey Yehova,

Çaylar kükrəyib uğuldadı.

Çaylar kükrəyib gur-gur axır.

4 Ucalarda olan əzəmətli Yehova,

Əngin suların uğultusundan möhtəşəm,+

Dənizlərin nəhəng dalğalarından güclüdür.+

5 Öyüdlərin etibarlıdır.+

Müqəddəslik daim Sənin evini bəzəyir,+ ey Yehova.