Zəbur

19 Göylər Allahın əzəmətini bəyan edir,+

Asiman əllərinin işindən danışır.+

 2 Hər gün dillərindən sözlər süzülür,

Hər gecə bir hikmət açırlar.

 3 Nə bir söz, nə bir kəlmə,

Nə bir səs eşidilmir.

 4 Amma sədaları* dünyaya yayılır,

Şəhadətləri yerin ucqarlarına çatır.+

Allah günəş üçün göydə bir çadır qurub,

 5 Günəş, sanki, təzəbəydir, gərdəyindən çıxır,

Şadlanır qaçışa çıxan bir igid kimi.

 6 Göyün bir ucundan çıxar,

O biri ucunadək səyahət edər.+

 7 Yehovanın qanunu kamildir,+ cana qüvvət verir,+

Yehovanın öyüdləri etibarlıdır,+ naşı adamı müdrik edir,+

 8 Yehovanın buyruqları doğrudur, ürəyi sevindirir,+

Yehovanın əmri safdır, gözlərə nur verir,+

 9 Yehova önündə qorxu+ pakdır, əbədi qalır,

Yehovanın hökmləri doğrudur, hamısı ədalətlidir.+

10 Onlar qızıldan, çoxlu saf qızıldan da artıq sevilir,+

Baldan, şanıdan daman baldan da şirindir.+

11 Onlar quluna nəsihət* verir,+

Onlara əməl edənin böyük mükafatı var.+

Bilmədən etdiyim günahlarımı əfv et,

13 Qulunu özbaşına hərəkətlərdən saxla,+

Qoyma onlar mənə ağalıq etsin.+

Onda kamil olaram,+

Böyük xətalardan uzaq olaram.

14 Qoy ağzımdan çıxan sözlər, qəlbimdəki düşüncələr

Səni məmnun etsin,+ ey Yehova, qayam,+ xilaskarım!+