2. Йәһүә һыуға сумдырылған хеҙмәтселәре өсөн ниндәй фатихалар әҙерләгән?

Һыуға сумдырылғандан һуң, һин Йәһүәнең ҙур, татыу ғаиләһенең өлөшө булып китерһең. Шулай уҡ уның наҙлы яратыуын тойорһоң, уға тағы ла яҡыныраҡ булып китерһең. (Малахи 3:16—18-ҙе уҡы.) Һинең күктәге Атаң ғына түгел, ә бөтә донъя буйлап йәшәгән, Йәһүәне һәм һине яратҡан бик күп ҡәрҙәштәрең дә булыр. (Марк 10:29, 30-ҙы уҡы.) Әлбиттә, һыуға сумдырылыр алдынан һиңә билдәле бер аҙымдар яһарға: Йәһүәне яҡшыраҡ белергә, уны яратырға һәм Улына иман үҫтерергә кәрәк. Шулай уҡ Йәһүәгә үҙ тормошоңдо бағышларға кәрәк. Ошо аҙымдарҙы яһап һыуға сумдырылһаң, һин мәңгелек тормошҡа алып барған юлға баҫырһың. Изге Яҙмала: «Һыуға сумдырылыу йолаһы аша... ҡотҡарылырһығыҙ», — тип әйтелә (1 Петр 3:21).

Ғайса алдан киҫәткәнсә, туғандарыбыҙ Йәһүәгә хеҙмәт итеүебеҙгә ҡаршы булырға мөмкин. Матфай 10:34—36-ны уҡы һәм яуап бир:

• Әгәр кеше Йәһүәгә хеҙмәт итергә ҡарар итһә, уның ғаиләһе быға нисек ҡарарға мөмкин?

ВИДЕОЯҘМА: «Йәһүә беҙҙе ҡабул итте» (5:13)

• Берәй туғаның йә дуҫың Йәһүәгә хеҙмәт итеүеңә ҡамасауларға тырышһа, һин нимә эшләрһең?

Зәбур 27:10 һәм Марк 10:29, 30-ҙы уҡы. Һәр өҙөктө уҡығандан һуң, ошо һорауға яуап бир:

• Туғандарың йә дуҫтарың баҫым яһағанда, был вәғәҙә һиңә нисек ярҙам итер?