Tɔn yako nɔɔba tia (6) ba gu COVIDn sɔ̃—Mba Bibeli ya gerumɔ sɔɔ?

Handunia gira sɔɔ yigbɛ te ta bwãa dobun gari wunanamɔ ba mɔ̀ OMS, ta gerua ta nɛɛ, Mɛɛn surun sɔ̃ɔ 23 wɔ̃ɔ 2022 sɔɔ, tɔnu yako suba nɔɔba tia ka sɔndira (6,27 Millions) ba gu bara gɔburu COVID19n sɔ̃. Adama, OMS n kpararu garu te ba yara Mɛɛn surun sɔ̃ɔ 5 wɔ̃ɔ 2022 sɔɔ, ta sɔ̃ɔsimɔ ma be ba gun gera kere mɛ. Ta maa sɔ̃ɔsi ma wɔ̃ɔ 2020 ka 2021n baa sɔɔ, bara ten saabua aawo n ǹ te, be ba gu kpuron geera yarawa nge yako suba wɔkura nnɛ ka sɔndirun saka (14,9 Millions). Bibeli ya asarɔ yen bweseru sɔɔ gãanu gerua?

Bibeli ya raa bara gɔbunun gari kua ni nu koo tɔmbu go nu tɛria.

• Yesu u ra gerua ma “sanam dãakim sɔɔ”, bara gɔbuna kon yiibawa “kpa tɔmbu bu bara yam kpuro”—Luku 21:11, Verbum Bible; 2 Timɔte 3:1.

Yesun gari yi, yi kooramɔ gisɔn tɔ̃ru. À n kĩ a yɛ̃ru sosi, a sɔ̃ɔsi te ba mɔ̀ “Quel est le signe des ‘derniers jours,’ ou ‘temps de la fin’?“ gario.

Bibeli ya sun dam kɛ̃mɔ

• “Gusunɔ . . . U sun dam kɛ̃mɔ bɛsɛn nuku sankiranu kpuro sɔɔ.”—2 Korinti 1:3, 4.

Bibeli ya tɔn dabi ni nu nin kinasibu bia gɔɔ sɔɔ dam kɛ̃mɔ. À n kĩ a yɛ̃ru sosi, a sɔ̃ɔsi ni ba mɔ̀ “Comment revivre: ce que vous pouvez faire“ ka “Une aide incomparable” mɛɛrio.

Bibeli ya sɔ̃ɔsimɔ ma wɛ̃ɛ nɔɔ wãa ge ga koo ka sun arufaani naawa sere ka baadommaɔ

• “A na a bandu swĩi. A de bu wunɛn kĩru ko tem sɔɔ mini, nge mɛ ba mɔ̀ wɔllɔ.”—Mateu 6:10.

Saa fiiko sɔɔ Gusunɔn “bandu” ta koo de ‘goo u ku maa gere u nɛɛ, u barɔwa.’ (Maaku 1:14, 15; Esai 33:24 ) A fideo ye ba mɔ̀ Mba n Gusunɔn bandu? mɛɛrio a ka yɛ̃ru sosi wɔrukon ban te ka ye ta koo ko sɔɔ.

Sa nun kanamɔ a na a yɛ̃ru sosi ye Bibeli ya gerumɔ sɔɔ a ka kpĩ a yen bwisi kɛ̃nu ka yen nɔɔ mwɛnun arufaani di wunɛn ka wunɛn yɛnugibu.