Psalmen

99 Nungnga gabe Raja be Jahowa.+ Lok ma mabiar akka bangso.

Martahta do Ibana di ginjang* ni akka kerubim.*+ Lok ma hutur-hutur tano on.

2 Sangap do Jahowa di Sion,

Jala Ibana do na mamaretta sude bangso.+

3 Lok ma dipuji nasida goarmu na sangap i,+

Ai badia do goarmu jala marmulia.

4 Raja na gogo do Ibana jala dihaholongi Ibana do na tigor.+

Nungnga ditottuhon Ho dia na sittong,

Dibahen Ho do na tigor dohot na sittong+ tu si Jakkob.

5 Pasangap ma Jahowa Debatanta+ jala marsomba ma tu jolo ni patna,+

Ai badia do Ibana.+

6 Akka malimna do si Musa dohot si Aron,+

Jala si Samuel ma sada sian akka na martangiang tu Ibana.+

Jou-jou do nasida tu Jahowa,

Jala dialusi Ibana do nasida.+

7 Makkatai do Ibana tu nasida sian ombun.*+

Diulahon nasida ma sipaingot dohot parettana.+

8 Ale Jahowa Debatanami, dialusi Ho do tangiang ni nasida.+

Ho do Debata na manesa dosa ni nasida,+

Alai dihukum* Ho do nasida alani dosa ni nasida i.+

9 Pasangap ma Jahowa Debatanta.+

Jala marsomba ma di jolo ni dolokna na badia.+

Ai badia do Jahowa Debatanta i.+