Jeremia
2 Makkatai ma Jahowa tu au, didok ma, 2 “Lao ma ho jala paboa ma tu penduduk ni Jerusalem, ‘Songon on do hata ni Jahowa,
“Takkas do huingot holongmu na manoktong* na dipatudu ho di tikki poso,+
Takkas do huingot holong na pinatudum di tikki martunangan hita,+
Diihutton ho do Au tikki di gurun,
Tikki di tano na so hea disuan manang aha.+
3 Badia do halak Israel i di Jahowa,+ dos songon hasil panenna na parjolo.”’
‘Manang ise na naeng pamatehon halak Israel i, didok do marsala.
Jala masa ma hasusaan tu nasida,’ ninna Jahowa.”+
4 Tangihon hamu ma hata ni Jahowa, hamu akka pinoppar ni si Jakkob,
Dohot sude keluarga ni Israel.
5 Songon on ma hata ni Jahowa,
“Ai aha do huroa salakku tu akka ompumuna?+
Boasa gabe mandao nasida sian Au?
Boasa gabe diihutton nasida akka patung na so marguna i,+ jala gabe dang marguna nasida?+
6 Ai dang didok nasida, ‘Beta ma talului Jahowa,
Na mamboan hita kaluar sian Mesir,+
Na manogu-nogu hita lewat sian gurun,
Di gurun+ na marlubang-lubang i,
Di tano na harsang+ jala na massai golap,
Di inganan na so hea dilewati manang ise pe,
Jala na so hea diingani manang ise pe.’
7 Huboan do hamu tu luat na subur,
Asa diallang hamu parbue ni hau dohot hasil na dumenggan sian luat i.+
8 Dang didok akka malim, ‘Beta ma talului Jahowa!’+
Dang ditanda akka na mangajarhon patik i Au,
Mangalo do akka parmahan tu Au,+
Di bagasan goar ni Baal+ do akka panurirang paboahon aha na lao masa,
Jala diihutton nasida do akka debata na so marguna.
9 ‘Alani i torus ma alookku hamu,’+ ninna Jahowa,
‘Jala alookku ma akka pinopparmuna.’
10 ‘Menyeberang ma ho tu pulo ni halak Kittim+ jala ida ma.
Suru ma halak tu Kedar,+ jala manat ma pikkiri,
Parrohahon ma atik naung hea masa sisongon on.
11 Dang adong bangso na asing na hea manggatti debatana gabe debata na so sittong.
Alai anggo bangsokki, nungnga ditukkar nasida be hamuliaokku tu na so marguna.+
12 Ale langit, longang ma hamu mangida na masa on,
Makkahitir ma hamu alani biarna,’ ninna Jahowa,
13 ‘Ai diulahon bangsokki do dua ulaon na jahat on:
Ditadikkon nasida do Au, mual ni aek hangoluan,+
Jala digali do* sada sumur lao di nasida,
Sumur naung marigat na so boi manampung aek.’
14 Dang parkarejo manang hatoban na tubu di jabu ni tuanna halak Israel,
Alai boasa gabe songon halak na diboan musu nasida?
15 Marauang do akka singa na poso tu ibana,+
Gogo do soarana marauang.
Dibahen nasida do luat i gabe inganan na massai ngeri.
Ditutung do akka kotana, asa unang adong be na tinggal di luat i.
16 Akka halak Nop*+ dohot Tahpanhes+ manghancurhon luatmi.*
17 Ho sandiri do kan na mambahen masa on tu ho?
Ai ditadikkon ho do Jahowa Debatam,+
Tikki ditogu-togu Ibana ho di pardalanan.
Boasa dope dilului ho dalan tu Asiria+
Lao mangalului aek sian Sunge Euprat?
19 Ikkon marsiajar do ho sian pangalahom na jahat i,
Ikkon dipasingot do ho ala dang setia ho.
Ida jala boto ma songon dia haccitna dohot susana+
Molo ditadikkon ho Jahowa Debatam,
Ai laos so dihabiari ho do Au,’+ ninna Jahowa Pamimpin ni Akka Tentara* jala Tuan Natumimbul i.
Alai didok ho do, “Dang olo au manomba Ho,”
Modom do ho lao mangulahon ulaon ni boru-boru na so hasea,+
Di sude dolok na timbo dohot di toru ni hau na balga.+
21 Husuan do ho songon hau anggur na merah na dumenggan,+ bibit unggul do sudena i,
Alai boasa gabe songon hau anggur na liar ho na roa tunasna?’+
22 Nang pe nungnga dipaias ho mamakke sabun dohot soda,*
Alai anggo di Au toktong do ho kotor alani hasalaanmi,’+ ninna Jahowa Tuan Natumimbul i.
23 Sian dia ma boi dohononmu, ‘Dang ramun au.
Dang adong husomba debata Baal.’
Ida ma jo na dibahen ho di rura i.
Pikkirhon ma jo aha naung dibahen ho.
Dos songon unta boru-boru na liar do ho,
Songon unta na poso na sai marlojongi tusan tuson,
24 Dos songon hoda na liar na mangolu di gurun do ibana,
Sai dianggo ibana do tu sakalilingna lao mangalului jantan pasombuhon giot-giot ni dagingna.
Molo ro nafsuna, ise ma na boi mangarajai i?
Dang pola maol lao mangalului ibana,
Ai molo dung juppang musim kawin,* dapot ni nasida do ibana.
25 Unang bahen gale patmi,
Jala unang bahen koring aru-arumi lao mangalului akka na so marguna,
Alai didok ho do, ‘Daong, dang mungkin masa i!+
26 Dos songon panakko na maila ala tardapot,
Nungnga dipaila be Israel,
Nasida, akka pamimpin ni nasida, dohot akka raja ni nasida,
Akka malim ni nasida dohot akka panurirang ni nasida.+
27 Didok nasida do tu hau, ‘Ho do bapakku,’+
Jala tu batu, ‘Ho do na manubuhon au.’
Alai anggo tu Au dipadao nasida do bohi ni nasida jala ditundalhon nasida do Au.+
Di tikki ro hasusaan didok nasida do,
‘Urupi ma hami, jala palua ma hami!’+
28 Ale Juda,+ didia do akka debata na binahenmuna i?+
Molo boi do dipalua nasida hamu sian hasusaan, lok ma ro nasida lao paluahon hamu,
Ai nungnga dos godang ni akka debatamuna songon godang ni akka kotamuna.
29 ‘Boasa sai torus dialo hamu Au?
Boasa laos sude hamu mangalo Au?’+ ninna Jahowa.
30 Marisuang do huattuk akka anakmuna.+
So dijalo nasida pissang-pissang sian Au,+
Podangmuna sandiri do naung pamatehon akka panurirangmuna,*+
Dos songon singa na mangalului mangsana.
31 Hamu akka na mangolu saonari on, parrohahon hamu ma hata ni Jahowa.
Na gabe songon gurun do Au di halak Israel?
Manang songon luat na massai golap di nasida?
Boasa didok bangsokki songon on, ‘Lomo-lomonami do manang na tudia hami lao.
Dang na lao mulak be hami tu Ho.’+
32 Olo do lupa anak boru tu perhiasanna?
Manang olo do lupa sahalak pengantin borua tu ikat pinggangna?*
Alai anggo bangsokki, nungnga leleng dilupahon nasida Au.+
33 Malo situtu do ho mangalului haholongan ni roham!
Malo situtu do ho lao mangulahon na jahat.+
34 Haru mudar ni halak na pogos jala na so marsala pe adong do di bajum.+
Nang pe dang dibongkar nasida jabum,
Adong do mudar ni nasida di sude bajum.+
35 Alai didok ho do, ‘Dang adong salakku.
Pasti dang muruk be Ibana tu au.
Saonari huhukum ma ho
Ai nungnga didok ho, ‘Dang mardosa au.’
36 Ai boasa mura-mura ho paubahon sipillitonmu?
37 Lao ma ho, bahenonmu ma tanganmu di atas ni ulum+ alani ilana,
Ai dang dijalo Jahowa sude na niasakkonmi,
Dang bahenon ni nasida ho marhasil.”