PERPUSTAKAAN ONLINE Joujou Paboahon

1 Samuel 15:22

Bibel Hata ni Debata tu Akka Jolma na Naeng Mangolu di Tano na Imbaru
- 22 Didok si Samuel ma, “Dia do unlomo roha ni Jahowa? Talehon pelean+ situtungon manang taoloi hata ni Jahowa? Dumenggan do mangoloi sian mangalehon pelean,+ jala dumenggan do manangihon sian mamelehon tabo-tabo+ ni biru-biru jantan.

Jesaya 1:11

Bibel Hata ni Debata tu Akka Jolma na Naeng Mangolu di Tano na Imbaru
- 11 “Aha ma guna ni peleanmuna na godang i di Au?”+ ninna Jahowa.
  
  “Dang di Au be biru-biru jantan+ pelean situtungonmuna i, dohot tabo-tabo ni binatangmuna na mokmok i.+
  Dang lomo be rohakku tu mudar+ ni anak ni lombu,+ anak ni biru-biru, dohot hambing.+

Jeremia 7:22, 23

Bibel Hata ni Debata tu Akka Jolma na Naeng Mangolu di Tano na Imbaru
- 22 Ai di ari tikki huboan akka ompumuna sian Mesir, dang hea huhatahon manang huparettahon tu nasida taringot tu pelean situtungon dohot akka pelean na asing.+ 23 Alai songon on do parettakku tu nasida, “Oloi hamu ma hatakku, Au ma na gabe Debatamuna jala hamu ma na gabe bangsokku.+ Ikkon torus do diihutton hamu parettakku asa sonang ngolumuna.”’+

Hosea 6:6

Bibel Hata ni Debata tu Akka Jolma na Naeng Mangolu di Tano na Imbaru
- 6 Ai unlomo do rohakku molo dipatuduhon hamu holong,* sian apala dilehon hamu pelean,
  Jala unlomo do rohakku molo ditanda hamu Debata, sian apala dilehon hamu pelean situtungon.+