Surat na Parjolo tu Huria na di Tessalonik
5 Hamu akka dongan, dang adong be na porlu suraton tu hamu taringot tu tikki naung ditottuhon na lao masa i. 2 Ai nungnga takkas diboto hamu, songon haroro ni panakko di tikki borngin+ do haroro ni ari ni Jahowa*+ i. 3 Tikki didok halak, “Dame do sude jala dang adong be sihabiaran!” toppu ma dihancurhon nasida. Toppu do i masa+ dos songon pangae ni sahalak ina na lao partus. Jala dang adong sian nasida na boi selamat. 4 Alai dang di bagasan haholomon hamu akka dongan. Alani i tikki ro ari i, dang na lao tarsonggot be hamu songon panakko na tarsonggot ala naung tiur ari. 5 Ai anak ni hatiuron do hamu sude dohot anak ni arian,+ jala dang anak ni borngin manang anak ni haholomon hita.+
6 Alani i, unang ma tarpodom hita songon na asing,+ alai sai dungo ma hita+ jala toktong ma sadar pikkiranta.+ 7 Ai di tikki borngin do halak modom, jala di tikki borngin do halak mabuk.+ 8 Anak ni arian do hita, alani i toktong ma hita sadar. Tapakke ma baju partahanan, i ma haporseaon dohot holong i. Jala tapakke ma takkuluk bosi, i ma pos ni roha tu janji ni Debata taringot haluaon.+ 9 Dang na lao dihukum hita umbahen na dipillit Debata, alai asa selamat+ do hita marhite Jesus Kristus Tuanta i. 10 Mate do ibana humokkop hita+ asa boi hita mangolu rap dohot ibana,+ di na mangolu manang na mate* pe hita. 11 Alani i, marsiurupan ma hamu jala patogu* ma na asing,+ songon naung diulahon hamu saleleng on.
12 Saonari, hupangido hami ma tu hamu ale akka dongan, argai hamu ma akka halak na so marnaloja mangurus huria, na manguluhon hamu di ulaon ni Tuan i jala na paingotton hamu. 13 Alani ulaon ni nasida i, massai sangap ma bahen hamu tu nasida, jala haholongi hamu ma nasida.+ Asing ni i, toktong ma hamu mardame dohot akka dongan na asing.+ 14 Hujujui hami ma muse hamu akka dongan, pasingot* hamu ma akka na mangalo,+ patogu hamu ma roha ni na marsak,* urupi hamu ma akka na gale, jala sabar ma hamu tu sude halak.+ 15 Manat ma hamu, asa unang adong sian hamu na mambahen na jahat balos ni na jahat tu manang ise pe.+ Alai toktong ma bahen hamu na denggan tu dongan sahaporseaon dohot tu sude halak.+
16 Toktong ma hamu marlas ni roha.+ 17 Torus ma hamu martangiang.+ 18 Mandok mauliate ma hamu di sasudena.+ Ai i do na dipangido Debata sian hamu akka na marsada dohot Kristus Jesus i. 19 Unang ma abbati tondi parbadia+ karejo* di dirimuna. 20 Unang ma leas rohamuna tu akka hata na ro sian Debata.*+ 21 Uji hamu ma sasude,+ pastihon hamu ma dia na sittong jala toktong ma ulahon na denggan. 22 Unang ma ulahon akka na jahat.+
23 Anggiat ma Debata Silehon dame i mambahen hamu badia situtu. Anggiat ma denggan pangalahomuna, ngolumuna, dohot dagingmuna, jala toktong ma hamu badia sahat tu* haroro ni Tuan Jesus Kristus.+ 24 Ai Debata na boi tahaporseai do Debata na manjou hamu jala pasautonna do i.
25 Ale akka dongan, sai tangiakkon hamu ma hami.+
26 Denggan* ma jalo hamu akka donganta sahaporseaon.
27 Di bagasan goar ni Tuan i, hupangido ma tu hamu, jahahon hamu ma surat on tu sude akka donganta.+
28 Sai didongani asi ni roha ni Tuanta Jesus Kristus na massai balga i ma hamu.