Boi do Hamu Gabe Dongan ni Jahowa

Lomo do roha ni Jahowa asa lam tatanda Ibana. Boasa? Alana molo taboto akka sifatna, akka na dibahen Ibana, dohot lomo ni rohana, gabe lomo ma rohatta naeng gabe donganna. Alai toho do boi hita gabe dongan ni Debata? (Jaha Psalmen 25:14.) Songon dia do carana asa boi hamu gabe dongan ni Debata? Dipaboa Bibel do alus ni sukkun-sukkun i. Jala dipaboa do boasa ummarga hubungatta tu Jahowa sian tu na asing.

1. Aha do na dipangido Jahowa sian hamu?

“Pajonok hamu ma tu Debata, dung i pajonokonna ma tu hamu.” (Jakobus 4:8) Aha do lapatan ni ayat on? Dipangido Jahowa do asa olo hamu gabe donganna. Adong na mandok dang mungkin boi hita gabe dongan ni Debata. Alana dang boi taida Ibana. Alai dipaboa Jahowa do di Bibel akka sifatna asa boi tapajonok diritta tu Ibana. Jadi molo jotjot tajaha Bibel, gabe lam jonok ma hubungatta tu Jahowa nang pe dang boi taida Ibana.

2. Boasa ummarga hubungatta tu Jahowa sian tu na asing?

Umbalga do holong ni roha ni Jahowa tu hita sian manang ise pe. Lomo do rohana asa marlas ni roha hita jala martangiang tu Ibana manang sadihari pe. Bibel mandok, “Pasahat hamu ma sude holso ni rohamuna tu Ibana, ai diparrohahon do hamu.” (1 Petrus 5:7) Jadi molo jonok hubungatta tu Jahowa, sai rade do Ibana mangurupi tikki marsak hita jala rade do Ibana manangihon tangiangta.—Jaha Psalmen 94:18, 19.

3. Aha do na ikkon taulahon asa boi gabe dongan ni Jahowa?

Sude do jolma dihaholongi Jahowa, “alai marale-ale do Ibana tu halak na tigor marroha”. (Poda 3:32) Dipangido Jahowa do asa diulahon donganna na denggan jala dipasiding akka na jahat. Adong halak na mandok, dang boi nasida mangulahon sude na diparettahon Jahowa. Alai diboto Jahowa do dia na tolap taulahon dohot na so tolap taulahon. Alani i, dihaholongi Ibana do manang ise pe na makkaholongi Ibana sian nasa rohana jala na mangulahon lomo ni rohana.—Psalmen 147:11; Ulaon ni Apostel 10:34, 35.

ASA LAM TAATTUSI

4. Jonok do hubungan ni si Abraham tu Jahowa

Sian cerita taringot si Abraham (manang si Abram) na disurat di Bibel, gabe boi ma taboto songon dia carana asa boi hita gabe dongan ni Debata. Jaha ma taringot si Abraham di 1 Musa 12:1-4. Dung i bahas ma sukkun-sukkun on:

• Aha do na disuru Jahowa tu si Abraham?

• Aha do na dijanjihon Jahowa tu ibana?

• Olo do si Abraham mangulahon paretta ni Jahowa i?

5. Na diharappon Jahowa sian akka donganna

Biasana adong do na taharappon asa diulahon dongatta tu hita.

• Aha ma contohna na diharappon hamu asa diulahon donganmuna tu hamu?

Jaha 1 Johannes 5:3, dung i bahas ma sukkun-sukkun on:

• Aha do na diharappon Jahowa sian akka donganna?

Asa boi taoloi paretta ni Jahowa, adong do ra pangalaho manang sifatta na porlu tapauba. Jaha Jesaya 48:17, 18, dung i bahas ma sukkun-sukkun on:

• Boasa diharappon Jahowa dioloi akka donganna parettana?

6. Diurupi Jahowa do akka donganna

VIDEO: Sai Diurupi Jahowa do Ahu (3:20)

• Boha do Jahowa mangurupi sahalak borua na di video i asa unang sai marsak be ibana ala trauma?

Jaha Jesaya 41:10, 13, dung i bahas ma sukkun-sukkun on:

• Aha do janji ni Jahowa tu sude donganna?

• Menurut hamu, tutu do Jahowa dongan na burju? Aha ma buktina?

7. Asa boi gabe dongan ni Jahowa, porlu do hita makkatai tu Ibana jala manangihon Ibana

Lam kompak do halak na mardongan molo jotjot nasida makkatai. Jaha Psalmen 86:6, 11, dung i bahas ma sukkun-sukkun on:

• Boha do caratta makkatai tu Jahowa?

• Boha do cara ni Jahowa makkatai tu hita?

KESIMPULAN

Lomo do roha ni Jahowa gabe donganmuna, jala olo do Ibana mangurupi hamu asa boi pajonokkon diri tu Ibana.

Tinjauan

• Boha do cara ni Jahowa mangurupi akka donganna?

• Boasa diharappon Jahowa dioloi akka donganna parettana?

• Menurut hamu, paborathu do paretta ni Jahowa lao diulahon? Aha ma alasanna didok hamu songon i?

LULUI MA

Aha do gunana molo gabe dongan ni Jahowa hita?

“Aha do Manfaatna Mananda Jahowa?” (Joujou Paboahon, 15 Februari 2003)

Songon dia do asa lam jonok hubungatta tu Debata?

“Bagaimana Aku Bisa Menjadi Sahabat Allah?” (Pertanyaan Kaum Muda—Jawaban yang Praktis, Jilid 2, pasal 35)

Jaha ma pengalaman ni sahalak borua na muba ngoluna gabe denggan dung gabe dongan ni Jahowa.

“Ndang Olo Ahu Mate!” (Joujou Paboahon No. 1 2017)

Boha do perasaan ni akka na poso gabe dongan ni Jahowa? Bege ma na didok nasida.

Aha do Lapatanna Gabe Dongan ni Jahowa? (1:46)