PELAJARAN 19

Toho do Saksi Jahowa Organisasi Agama na Sittong?

Edisi Tercetak

Pos do rohanami, halak Kristen na sittong do hami. Boasa? Parrohahon ma ajaran na diihutton hami, goar ni organisasinami, jala songon dia hami patuduhon holong ni roha.

1. Ajaran na sian dia do na diihutton Saksi Jahowa?

Jesus mandok, ‘Hata ni Debata do hasittongan.’ (Johannes 17:17) Ditiru Saksi Jahowa do Jesus na sai mangihutton ajaran na sian Bibel. Jaha ma taringot sejarahnami. Di ujung ni abad 19, adong sada punguan na mamareso isi ni Bibel. Digoari ma nasida Parsiajar Bibel. Porsea do nasida tu ajaran i nang pe asing i sian ajaran ni akka gareja. Dung i dipaboa nasida ma na diparsiajari nasida i tu akka halak.a

2. Boasa digoari hami Saksi Jahowa?

Digoari Jahowa do akka halak na manomba Ibana saksina. Alana, dipaboa nasida do na sittong taringot Ibana. (Heber 11:4–12:1) Contohna, didok Debata do najolo tu akka naposona, “Hamu do akka saksikku.” (Jaha Jesaya 43:10.) Jesus pe digoari do ibana “Saksi na Boi Dihaporseai”. (Pangungkapon 1:5) Alani i, di taon 1931 dibahen ma goar ni organisasinami gabe Saksi Jahowa. Las do rohanami mamakke goar i.

3. Songon dia do Saksi Jahowa maniru Jesus lao patuduhon holong ni roha?

Holong hian do roha ni Jesus tu akka siseanna. Songon keluarga do nasida di ibana. (Jaha Markus 3:35.) Dos songon i ma, marsada do Saksi Jahowa di liat portibi on songon sada keluarga. Dijou hami do nasida akka dongan. (Pilemon 1, 2) Jala diihutton hami do tong paretta na mandok, “Haholongi ma sude dongan sahaporseaon.” (1 Petrus 2:17) Godang do cara na dibahen Saksi Jahowa lao patuduhon holong ni nasida. Contohna, mangurupi dongan sahaporseaon na susa na adong di liat portibi on.

ASA LAM TAATTUSI

Parsiajari ma taringot sejarah ni Saksi Jahowa. Jala ida ma bukti na patuduhon halak Kristen na sittong do hami.

Gambar: Saksi Jahowa na marbarita. 1. Sahalak saudari manjahahon ayat ni Bibel tu sahalak borua. 2. Sahalak saudara marbarita tu sahalak bawa tikki marbarita di tempat umum. — Ajaran na sian Bibel do na dihaporseai halak Kristen na sittong jala dipaboa nasida do i tu na asing

4. Ajaran na sian Bibel do na dihaporseai hami

Nungnga dipaboa Jahowa hian, lam takkas nama taattusi isi ni Bibel. Jaha Daniel 12:4, dung i bahas ma sukkun-sukkun on:

Aha do hasilna ala torus naposo ni Jahowa “mamareso” isi ni Bibel?

Tonton ma taringot Parsiajar Bibel na mamareso Hata ni Debata, termasuk ma i si Charles Russell. Putar ma VIDEO, dung i bahas ma sukkun-sukkun on:

VIDEO: Mangalului Ajaran na Sittong sian Bibel (7:45)

Di video i, songon dia do cara ni si Charles Russell dohot akka donganna mamareso isi ni Bibel?

Diboto hamu do?

Sipata disesuaihon hami do ajaran na dihaporseai hami. Alana secara bertahap do dipatudu Jahowa ajaran na sittong. Dos ma i songon parbissar ni mataniari, na lam tiur sahat tu tonga ari. (Jaha Poda 4:18.) Jadi tikki disesuaihon hami ajaran na dihaporseai hami, dang na muba isi ni Bibel. Alai na lam diattusi hami do isi ni Bibel i.

5. Cocok do goar on tu hami

Boasa dibahen hami goarnami Saksi Jahowa? Putar ma VIDEO, dung i bahas ma sukkun-sukkun on:

VIDEO: Goar na Paboahon Ise do Hita Sasittongna (2:40)

Boasa cocok hami digoari Saksi Jahowa?

Boasa adong halak na dipillit Jahowa gabe saksina? Nasida ma na lao paboahon Ibana do Debata na sittong. Alana godang do gabus na didok akka halak taringot Ibana. Parrohahon ma dua contoh on:

Piga-piga agama mangajarhon lomo do roha ni Debata molo tapakke patung manang akka benda na asing tikki manomba Ibana. Alai jaha ma 3 Musa 26:1, dung i bahas ma sukkun-sukkun on:

Molo menurut ayat on, boha do perasaan ni Debata molo tapakke patung tikki manomba Ibana?

Piga-piga pamimpin agama mangajarhon Debata do Jesus i. Alai jaha ma Johannes 20:17, dung i bahas ma sukkun-sukkun on:

Molo menurut ayat on, toho do sarupa Jesus dohot Amana?
Disuru Jahowa do Saksina paboahon na sittong taringot Ibana dohot taringot Anakna. Boha do perasaanmuna mamboto i?

6. Masihaholongan do hami

Dipatudos Bibel do halak Kristen songon akka bagian ni daging ni jolma. Jaha 1 Korint 12:25, 26, dung i bahas ma sukkun-sukkun on:

Aha do na diulahon halak Kristen tikki susa donganna?
Molo diida hamu, masihaholongan do saksi Jahowa?

Tikki adong Saksi Jahowa na susa di sada negara, pittor hatop do Saksi Jahowa di liat portibi on mangurupi nasida. Ida ma sada contohna. Putar ma VIDEO, dung i bahas ma sukkun-sukkun on:

VIDEO: Haiti Martahan Alani Badai Matthew (5:29)

Di video i, aha do na diulahon Saksi Jahowa lao patuduhon holongna tu akka donganna?

Dua Saksi Jahowa mangurupi sahalak ina dohot anakna na baru hona bencana. Dilehon do salimut dohot tes tu nasida. — Diurupi halak Kristen na sittong do donganna tikki susa

ADONG DO NA MANDOK: “Agama na baru do Saksi Jahowa.”

Mulai nandigan do naposo ni Jahowa digoari Ibana saksina?

KESIMPULAN

Halak Kristen na sittong do saksi Jahowa. Marsada do hami di liat portibi on songon sada keluarga. Ajaran na sian Bibel do na dihaporseai hami. Jala dipaboa hami do na sittong taringot Jahowa.