Taargai ma Akka Dongan Na Poso

 1. Nang pe naung matua hita, aha dope na boi taulahon?

MOLO nungnga lam matua hita, olo do sipata mabiar hita dang godang be na boi talean tu Jahowa songon najolo i. Memang nungnga moru be gogotta saonari, alai molo lam matua hita nungnga lam godang be pengalamanta na mambahen hita marbisuk. Boi do tabagihon pengalamanta i lao mangurupi akka dongan na poso asa memenuhi syarat halak i mandalatton akka tanggung jawab di organisasi. Adong do sada sintua na mandok, “Dang godang be na boi huulahon, ala nungnga matua au. Alai mandok mauliate do au tu Jahowa ala adong do akka dongan na poso na boi mandalatton akka tanggung jawab i.”

 2. Aha do na lao tabahas di artikel on?

² Di artikel sebelumna nungnga tabahas be songon dia akka na poso boi jonok tu akka dongan na matua. Di artikel on tabahas ma songon dia asa olo akka na matua kerja sama dohot akka na poso. Ikkon serep do roha ni nasida, ikkon olo do nasida menyadari keterbatasanna, ikkon diargai nasida do akka dongan na poso, jala unang ma holit nasida mambagihon pengalaman manang keterampilanna.

 3. Sesuai tu Pilippi 2:3, 4, songon dia do halak na marserep ni roha i? Jala aha do manfaatna molo serep roha ni sasahalak?

³ Porlu do serep roha ni akka dongan na matua asa rade nasida mangurupi akka na poso. Halak na serep rohana dang manganggap uppetting ibana sian na asing. (Jaha Pilippi 2:3, 4.) Ikkon disadari akka dongan naung matua do, godang do cara makkarejoi sada tugas na so maralo tu prinsip ni Bibel. Alani i, unang ma dipaksahon nasida ikkon sesuai cara ni na poso tu cara ni nasida. (Pjm. 7:10) Memang nungnga godang pengalaman ni akka dongan na matua i, alai ikkon disadari nasida do “muba do sude na masa di portibi on”. Jadi ikkon olo do nasida menyesuaihon cara ni nasida makkarejoi sada tugas tu situasi na baru.—1 Kor. 7:31.

 4. Songon dia do akka donganta pengawas wilayah maniru halak Lepi?

⁴ Molo serep roha ni sasahalak, disadari ibana do dang godang be na boi diulahon ibana songon najolo tikki poso. Songon i do na diulahon akka pengawas wilayahta. Molo nungnga marumur 70 taon nasida, ikkon dibahen do penyesuaian. Dang gabe pengawas wilayah be nasida jala mandapot penugasan na baru nama. Pasti dang mura mangulahon i. Lomo dope roha ni nasida melayani sebagai pengawas wilayah, jala semangat do nasida mangulahon tugasna i. Alai disadari nasida do, undenggan do hasilna molo akka dongan na upposo na mangulahon i. Sarupa do nasida songon halak Lepi najolo. Molo nga marumur 50 taon, dang melayani be halak i di tabernakel. Las dope nian roha ni nasida melayani di tabernakel. Alai diattusi halak Lepi i do, nang pe dang martugas disi be nasida, godang dope na boi diulahon nasida. Boi do nasida mangurupi jala mangalatik akka na poso. (4 Mus. 8:25, 26) Songon i do na diulahon akka donganta na hea gabe pengawas wilayah. Torus do nasida marlas ni roha melayani Jahowa. Alana boi dope nasida mangulahon akka tugas di huria jala mangalatik akka dongan na poso.

 5. Aha do na boi taparsiajari sian si Dan dohot si Katie?

⁵ Taparrohahon ma pengalaman ni si Dan. Nungnga gabe pengawas wilayah ibana saleleng 23 taon. Alai dung marumur 70 taon ibana, ditugasson ma ibana dohot istrina si Katie gabe perintis istimewa. Olo do nasida manjalo tugas na baru i? Didok si Dan, las hian do roha ni nasida melayani di huria tempat penugasan ni nasida. Sibuk hian do nasida saonari. Las do roha ni nasida mangurupi akka dongan bawa asa boi gabe parhobas. Dilatik nasida do akka dongan asa terampil marbarita di tempat umum dohot di penjara. Alani i hamu akka dongan na matua, melayani di dinas sepenuh waktu manang na dang, boi do hamu mangurupi na asing. Songon dia carana? Sesuaihon hamu ma caramuna mandalatton sada tugas tu situasimuna naung muba, bahen hamu ma cita-cita na baru, jala fokus ma hamu mangulahon tugas na boi dope diulahon hamu.

 6. Molo olo sasahalak menyadari keterbatasanna, boasa didok ibana marbisuk? Bahen ma contohna.

⁶ Molo disadari akka dongan na matua keterbatasanna, dang dipaksahon ibana be dirina mangulahon tugas na so sanggup ulahononna. Hasilna toktong ma ibana marlas ni roha melayani Jahowa. Dipatudos do nasida songon halak na mamboan mobil di tanjakan. Ikkon gatti gigi do ibana, asa boi torus mananjak, nang pe gabe moru kecepatanna. Songon i ma halak na menyadari keterbatasanna. Dang diharappon ibana boi diulahon akka tugas songon najolo i tikki poso dope ibana. Hasilna, gabe toktong ma ibana marlas ni roha manomba Jahowa, jala boi ma diurupi ibana akka dongan na asing.—Plp. 4:5.

 7. Sian dia do taboto na disadari si Barsilai keterbatasanna?

⁷ Taparrohahon ma jo contoh ni si Barsilai. Tikki marumur 80 taon, diundang Raja Daud ma ibana asa dohot tu istana. Alai disadari si Barsilai do keterbatasanna. Jadi ditolak ibana ma i, jala didok ma asa si Kimkana na dohot tu istana i manggattihon ibana. (2 Sam. 19:35-37) Songon si Barsilai do akka donganta na matua. Las do roha ni nasida mangalean kesempatan tu akka na poso asa boi mandapot tanggung jawab di huria.

 8. Aha do buktina na disadari si Daud keterbatasanna?

⁸ Raja Daud pe olo do menyadari keterbatasanna. Lomo do nian rohana mambangun jabu ni Jahowa. Alai dipaboa ma tu ibana, dang ibana na mambangun bagas joro i, anakna si Salomo do. Dijalo si Daud do keputusan ni Jahowa i, jala didukung ibana do proyek pembangunan i. (1 Kron. 17:4; 22:5) Dang ro tu roha ni si Daud, pasti undenggan do hasilna molo ibana na mambangun bagas joro i. Alana “poso dope [si Salomo], jala dang diboto dope manang aha”. (1 Kron. 29:1) Disadari si Daud do, boi pe marhasil pembangunan i alani pasu-pasu ni Jahowa do, dang alani pengalaman ni sasahalak. Songon si Daud, saonari pe boi do akka donganta na matua toktong melayani Jahowa nang pe muba tugasna. Jala yakin do halak i pasti pasu-pasuon ni Jahowa do akka na poso na manggattihon nasida mandalatton akka tugas di organisasi.

 9. Songon dia do donganta si Shigeo patuduhon na disadari ibana do keterbatasanna?

⁹ Taparrohahon ma jo contoh ni donganta si Shigeo na menyadari keterbatasanna. Taon 1976, tikki marumur 30 taon, melayani sebagai Panitia Cabang do ibana. Taon 2004 gabe koordinator Panitia Cabang ma ibana. Alai dung lam matua, disadari ibana ma nungnga lam moru be gogona. Jala dang sanggup be ibana mangulahon sude tugasna. Martangiang ma ibana tu Jahowa asa adong nian dongan na poso na boi manggattihon ibana mangulahon tugas i. Nang pe saonari dang gabe koordinator Panitia Cabang be ibana, alai tong dope ibana gabe Panitia Cabang. Sian contoh ni si Barsilai, Raja Daud, dohot si Shigeo, taboto ma molo halak na serep roha i jala na menyadari keterbatasanna, dang fokus nasida tu hahurangan ni akka na poso alai tu kelebihanna do. Jala dang dianggap nasida akka na poso i saingan, alai dongan sakarejona do.—Poda 20:29.

10. Aha do na porlu diingot akka dongan na matua?

¹⁰ Nungnga lam moru be gogo ni akka na matua, jadi mandok mauliate do nasida ala adong akka na poso na boi mangulahon akka tugas di huria. Alani i porlu do diingot akka dongan na matua, hadiah sian Jahowa do akka na poso i.

11. Sesuai tu Rut 4:13-16, aha do hasilna molo olo akka na matua manjalo bantuan sian na asing?

¹¹ Di Bibel adong do contoh na denggan, i ma si Naomi. Las do rohana manjalo bantuan sian na asing, i ma parumaenna si Rut. Nungnga rap mabalu ibana dohot parumaenna i. Tikki di pardalanan naeng mulak tu Betlehem, dijujui si Naomi ma asa mulak si Rut tu hutana. Alai dang olo si Rut, naeng dohot do ibana tu Betlehem. Dang diabbati si Naomi ibana, dijalo si Naomi do keputusan ni si Rut i. (Rut 1:7, 8, 18) Alani i, mandapot manfaat ma halak i na dua! (Jaha Rut 4:13-16.) Molo serep do roha ni akka dongan na matua, pasti olo do nasida maniru si Naomi.

12. Aha do buktina na olo si Paulus manjalo bantuan sian akka dongan na asing?

¹² Boi do muse hita marsiajar sian si Paulus. Las do rohana manjalo bantuan sian akka dongan sahaporseaonna. Misalna tikki dilean halak Kristen na di Pilippi bantuan materi tu ibana, dijalo ibana do i. (Plp. 4:16) Las do muse rohana manjalo bantuan sian si Timoteus. (Plp. 2:19-22) Jala mandok mauliate do si Paulus tu Jahowa, ala ro do akka dongan mandapotton ibana tikki naeng diboan ibana tu Rom lao dipenjarahon disi. (Ul. 28:15) Halak na semangat jala na gogo do si Paulus. Buktina boi do ibana mardalan marribu kilometer lao marbarita jala makkunjungi akka huria. Alai nang pe gogo ibana, dang maila ibana manjalo bantuan sian na asing.

13. Songon dia do akka dongan na matua patuduhon na diargai nasida do akka na poso?

¹³ Akka dongan na matua, patudu hamu ma na diargai hamu do akka na poso na adong di huria. Songon dia ma carana? Molo adong na manawarhon bantuan manjemput manang mangantar hamu tu parpunguan, belanja, manang na asing, jalo hamu ma i. Alana, i sada cara ni Jahowa patuduhon holongna tu hamu. Molo olo hamu manjalo bantuan sian akka na poso, boi ma gabe mardongan hamu tu halak i. Asing ni i, sai urupi hamu ma nasida asa toktong semangat melayani Jahowa. Paboa ma tu nasida na las do rohamuna mangida halak i semangat melayani Jahowa. Ceritahon hamu ma akka pengalamanmuna na menarik. Molo diulahon hamuna i, berarti na “mandok mauliate” do hamu tu Jahowa ala nungnga ditarik Ibana akka na poso i tu huria.—Kol. 3:15; Joh. 6:44; 1 Tes. 5:18.

14. Aha do na boi diparsiajari akka dongan na matua sian Raja Daud?

¹⁴ Boi do muse akka dongan na matua marsiajar sian contoh ni si Daud. Dang holit si Daud mambagihon na adong di ibana. Misalna, dilean ibana do godang artana tikki mambangun bagas joro. (1 Kron. 22:11-16; 29:3, 4) Hape bagas joro i dang didok bagas joro ni si Daud, alai bagas joro ni si Salomo do. Songon i ma saonari, nang pe akka dongan na matua nga moru be gogona jala dang boi be dohot mambangun Bale Harajaon, alai boi dilehon nasida sumbangan lao mendukung proyek i. Boi do muse akka dongan na matua mambagihon pengalamanna tu akka na poso.

15. Songon dia do cara ni si Paulus mangurupi si Timoteus?

¹⁵ Taida ma muse contoh ni si Paulus. Tikki gabe missionaris dope ibana, ditogihon ibana do si Timoteus asa rap dohot ibana marbarita na uli. Olo do muse si Paulus mangajarhon tu si Timoteus carana marbarita na uli dohot mangajari. (Ul. 16:1-3) Dilatik si Paulus do si Timoteus asa lam terampil di ulaon marbarita. (1 Kor. 4:17) Jala digunahon si Timoteus do pelatihan ni si Paulus i lao mangalatik na asing.

16. Boasa olo si Shigeo mangalatik akka dongan na poso?

¹⁶ Olo do akka donganta na matua mangalatik akka na poso. Jala dang mabiar nasida dang dapotan tugas be molo dilatik halak i akka na poso. Misalna songon si Shigeo na dipaboa di paragraf sebelumna. Olo do ibana mangalatik akka donganna Panitia Cabang na upposo. Diulahon ibana pe i, asa boi do mendukung ulaon marbarita di wilayah cabang tempat ni ibana melayani. Hasilna, tikki dang boi be ibana gabe koordinator Panitia Cabang, adong ma na boi manggattihon ibana. Nungnga lobi sian 45 taon si Shigeo melayani sebagai Panitia Cabang. Jala olo do ibana torus mangalatik akka dongan na poso. Pasu-pasu sian Jahowa do akka donganta na songon si Shigeo!

17. Aha do na boi dibagihon akka dongan na matua tu akka na poso? (Lukas 6:38)

¹⁷ Hamu akka dongan na matua, nungnga dibuktihon hamu be molo melayani Jahowa do na uppetting di ngolumuna. Nungnga diparsiajari hamu akka prinsip ni Bibel jala nungnga diulahon hamu be i. Hasilna, gabe denggan ma ngolumuna. Nang pe nga godang pengalamanmuna, alai olo do hamu mambahen penyesuaian molo muba situasi. Nang pe baru tardidi dope hamu, alai godang do na boi diceritahon hamu tu akka na poso. Ceritahon hamu ma songon dia las ni rohamuna boi mananda Jahowa. Pasti diargai akka na poso do pengalamanmuna i. Boi do nasida marsiajar sian hamu. Molo lam godang pengalaman na dibagihon hamu tu akka na poso, dipasu-pasu Jahowa ma hamu.—Jaha Lukas 6:38.

18. Songon dia do akka na matua boi masiurupan dohot akka na poso?

¹⁸ Molo olo akka dongan na matua jonok tu akka na poso, boi ma nasida masiurupan. (Rom 1:12) Alana sude do hita adong kelebihanna. Molo akka na matua, nga godang be pengalamanna gabe marbisuk ma nasida. Akka na poso, kuat dope tenagana. Jadi molo olo do nasida kerja sama, gabe parohon sangap ma i tu Jahowa, jala gabe dipasu-pasu ma huria.