Rade ma Hita Mangurupi Halak Marsiajar Bibel

 1. Songon dia do hamu boi gabe Saksi Jahowa?

SONGON dia do hamu boi gabe Saksi Jahowa? Adong do ra sian hamu na mambege “barita na uli” sian natua-tuamuna, sian dongan sakarejo, sian dongan sasikkola, manang adong na ro marbarita tu jabumuna. (Mrk. 13:10) Dung i diurupi ma hamu marsiajar Bibel. Pasti godang do upaya dohot tikki na dilehon guru studimuna i lao mangajari hamu. Gabe holong ma rohamuna tu Jahowa, jala diboto hamu ma na dihaholongi Jahowa do hamu. Gabe diboto hamu ma hasittongan, jala saonari gabe sisean ni Jesus ma hamu. Dung i adong ma harapanmuna lao mangolu saleleng ni lelengna. (Joh. 6:44) Pasti mandok mauliate do hita tu Jahowa, ala dipakke sasahalak lao mangajarhon hasittongan tu hita. Ujungna adong ma kesempatanta gabe naposona.

 2. Aha do na lao tabahas di artikel on?

² Saonari dapotta ma tugas na istimewa mangurupi akka halak asa mardalan di dalan tu hangoluan i. Bisa jadi mura do di hita lao marbarita na uli. Alai maol do ra mandapot studi. Songon i do na dihilala hamu? Molo songon i do, boi do artikel on mangurupi hamu. Tabahas ma songon dia carana asa semangat mangalului studi. Tabahas ma muse akka tantangan na mambahen hita hurang semangat mambahen studi, jala songon dia mangatasi i. Parjolo tabahas ma boasa ikkon marbarita na uli hita jala boasa ikkon taajarhon barita na uli i.

 3. Boasa ikkon marbarita na uli hita?

³ Tikki di portibi on dope Jesus, dilehon Jesus do dua tugas tu akka siseanna. Na parjolo, i ma marbarita na uli taringot tu Harajaon. Dipaboa Jesus do songon dia akka siseanna i mangulahon i. (Mat. 10:7; Luk. 8:1) Nungnga dipaboa Jesus hian, dang sude halak lomo rohana mambege barita na uli i. (Luk. 9:2-5) Asing ni i, ikkon dibaritahon do muse barita na uli i tu “saluhut bangso” di liat portibi on. (Mat. 24:14; Ul. 1:8) Jadi dang soal songon dia tanggapan ni akka halak, ikkon tapasahat do barita na uli i.

 4. Songon na tarsurat di Mateus 28:18-20, aha do na ikkon taulahon asing ni marbarita na uli?

⁴ Tugas na paduahon, i ma mangajari akka halak mangulahon sude na diparettahon Jesus. Alai holan di abad parjolo do marbarita na uli dohot mambahen sisean porlu diulahon? Daong. Jesus mandokkon, ikkon torus dope taulahon on “sahat tu panutup ni jaman on”. (Jaha Mateus 28:18-20.) Olo do ra dipaboa Jesus tugas on tikki dipatuduhon ibana dirina tu lobi sian 500 halak siseanna. (1 Kor. 15:6) Marhite parnidaan ni si Johannes pe, dipatudu Jesus do ikkon dohot do sude siseanna i mangajarhon taringot Jahowa tu akka halak.​—Pgk. 22:17.

 5. Sesuai tu 1 Korint 3:6-9, dipatudos tu aha do ulaon marbarita na uli dohot mangajari?

⁵ Dipatudos si Paulus do mambahen sisean i songon na martani. Didok ibana tu halak Korint, “Au do na manuan, si Apollos do na maniram . . . Hamu do ladang na niula ni Debata.” (Jaha 1 Korint 3:6-9.) Sahalak pangula, dang holan manuan bibit alai ikkon disiram ibana do i. Suang songon i ma hita parkarejo di ‘ladang ni Debata’. Dang holan marbarita na uli, alai ikkon taajarhon do barita na uli i tu akka halak. (Joh. 4:35) Taingot ma, Jahowa do na mambahen hasittongan i tubu di roha ni sasahalak. Jala Jahowa do na manogu-nogu sasahalak asa jonok tu Ibana.

 6. Molo adong parsiajar Bibelta, aha do na ikkon taulahon lao mangurupi ibana asa boi tardidi?

⁶ Talului ma akka halak na “tama mandapot hangoluan saleleng ni lelengna”. (Ul. 13:48) Asa boi nasida gabe sisean, ikkon taurupi do nasida (1) mangattusi, (2) makkaporseai, jala (3) mangulahon na diparsiajari ibana sian Bibel. (Joh. 17:3; Kol. 2:6, 7; 1 Tes. 2:13) Sude do hita na di huria boi mangurupi sahalak parsiajar Bibel. Tapatudu ma na tahaholongi do ibana jala tasambut ma ibana tikki ro tu parpunguan. (Joh. 13:35) Memang, guru studina do na paling godang mangalehon tikki dohot upaya mangurupi studina i. Diurupi do studina i mangaruppakkon akka haporseaon dohot kebiasaan na sala “naung togu dipajongjong”. (2 Kor. 10:4, 5) Olo do ra ikkon sappe marbulan-bulan taurupi studitta i asa tardidi. Alai pos ma rohatta, dang sia-sia upayatta i.

 7. Boasa ikkon semangat hita marbarita na uli dohot mambahen studi?

⁷ Boasa ikkon semangat hita marbarita na uli dohot mambahen studi? Alasan na parjolo, ala holong rohatta tu Jahowa. Jadi gabe taoloi ma parettana marbarita na uli dohot mambahen sisean. (1 Joh. 5:3) Ingot ma songon dia perasaanmuna tikki parjolo sahali marbarita na uli sian jabu tu jabu. Pasti jantungon do hamu ate. Alai ala holong rohamuna tu Jahowa jala diboto hamu paretta ni Jesus do i, olo do hamu marbarita na uli sian jabu tu jabu nang pe dang sai mura i. Lam jotjot diulahon hamuna i, gabe terbiasa ma hamu marbarita na uli. Alai songon dia do hamu tikki mambahen studi? Tong do ra jantungon hamu ate. Molo songon i, martangiang ma hamu tu Jahowa mangido habaranion.

 8. Sesuai tu Markus 6:34, boasa ikkon taurupi akka halak marsiajar Bibel?

⁸ Alasan na paduahon, ala tahaholongi akka halak. Gabe olo ma hita mangajarhon hasittongan i tu nasida. Taida ma jo contoh ni Jesus. Di sada tikki, hea do loja hian Jesus dung sae marbarita na uli. Jadi naeng istirahat ma ibana dohot akka siseanna. Hape ro ma massai godang halak mandapotton nasida. Gabe asi ma roha ni Jesus mangida akka halak na ro i, jala ‘godang do diajarhon Jesus tu nasida taringot tu Debata’. (Jaha Markus 6:34.) Boasa olo Jesus mangajari nasida hape nungnga loja ibana? Ala boi do dihilala Jesus songon dia perasaan ni halak i. Diboto Jesus do susa ngolu ni nasida. Jadi porlu do diboto akka halak na ro i janji ni Debata, asa adong harapan ni nasida. Saonari pe godang do halak na songon i. Hira na sonang do idaon ngolu ni nasida, hape sabotulna dang songon i. Dos do nasida songon biru-biru na so adong parmahanna. Jala didok si Paulus, dang ditanda nasida Debata, jala dang adong janji ni Debata na lao dipaima nasida. (Eps. 2:12) Nasida pe mardalan di dalan “tu hamagoan” do! (Mat. 7:13) Molo sai taingot songon i do hape situasina, gabe asi ma rohatta tu nasida jala tergerak ma hita lao mangurupi nasida. Cara na undenggan mangurupi, i ma manstudihon halak i.

 9. Sesuai tu Pilippi 2:13, songon dia do Jahowa mangurupi hamu?

⁹ Sipata, olo do ra hita ragu manawarhon sasahalak marsiajar Bibel dohot hita. Alana pittor tapikkiri godang ni tikki dohot upaya na ikkon tabahen tu studitta i. Molo i do tantanganna, martangiang ma hamu tu Jahowa mangido roha na rade lao mangulahon i. (Jaha Pilippi 2:13.) Apostel Johannes mandok, pasti dialusi Jahowa do tangiangta i ala sesuai do i tu lomo ni rohana. (1 Joh. 5:14, 15) Jadi, pos ma rohamuna sai urupan ni Jahowa do hamuna asa semangat lao mambahen studi.

10-11. Aha do na mambahen hita merasa dang sanggup mambahen studi?

¹⁰ Jadi nungnga taboto be penting hian do mambahen studi. Alai dang sai mura i ala adong do tantanganna. Saonari tabahas ma akka tantangan na mambahen hita dang semangat mambahen studi, jala tabahas ma songon dia carana mangatasi i.

¹¹ Merasa dang sanggup alani situasi na maol. Mungkin marsahit-sahit do ra hita manang nungnga matua. Boi do taatasi tantangan i molo tapakke caratta mangadopi pandemi COVID-19 on. Nungnga taboto be carana mamandu studi lewat telepon manang lewat alat elektronik na asing. Sabotulna adong do tabona mamakke cara i. Alana boi hita sian jabutta sandiri manstudihon halak. Manfaat na asing, boi muse hita manstudihon akka halak na sebelumna maol tajuppangi di jabuna. Alai memang bisa jadi halak i boi marsiajar holan tikki pagi hian manang borngin. Olo do hita mangurupi halak i? Tatiru ma Jesus na olo mangajari si Nikodemus tikki borngin-borngin. Alana, i do tikki na pas di si Nikodemus.​—Joh. 3:1, 2.

12. Aha do na paposson rohatta na boi do hita mamandu studi?

¹² Merasa hurang malo mamandu studi. Olo do ra didok rohatta, jolo godang ma parbinotoatta jala jolo malo ma hita mangajari, baru pe asa barani hita mamandu studi. Molo songon i do perasaanmuna, ingot ma tolu alasan on asa pos rohamuna na boi do hamu mamandu studi. Alasan na parjolo, pos do roha ni Jahowa na boi do taulahon tugas i. (2 Kor. 3:5) Alasan na paduahon, Jesus nappuna “saluhut huaso na di banua ginjang dohot na di tano on” do na mangalehon tugas i tu hita. (Mat. 28:18) Alasan na patoluhon, boi do Jahowa dohot akka dongan mangurupi hita. Najolo diurupi Jahowa do Jesus asa diboto ibana aha na lao ajarhononna. Hita pe pasti do diurupi Jahowa. (Joh. 8:28; 12:49) Boi do hita muse marsiajar sian akka dongan. Misalna sian pengawas KDL, perintis, manang sian penyiar na berpengalaman. Jadi asa boi hita marsiajar sian nasida, tadongani ma nasida tikki mamandu studi.

13. Boasa ikkon tasesuaihon caratta mangajari?

¹³ Maol tahilala mamakke alat dohot metode na baru. Nungnga berubah be caratta mamandu studi saonari. Jala bukku na baru do nuaeng tapakke mamandu studi, i ma bukku Mangolu Saleleng ni Lelengna! Beda hian do cara mamakke bukku on dohot akka bukku na sebelumna. Singkat do dibahen paragrafna, asa unggodang tikki mardiskusi. Di bukku on godang do muse dibahen akka video dohot akka bahan referensi na sian situs webta dohot sian JW Library^®. Molo dang taattusi dope mamakke bukku i, boi do tapangido donganta naung terampil mamakke bukku i mangajari hita. Biasana ullomo do roha ni halak mangulahon karejo naung biasa diulahon ibana. Jadi dang mura di hita beradaptasi tu cara na baru. Alai molo tapangido diurupi Jahowa dohot akka dongan hita, gabe lam mura ma hita mangihutton metode na terbaru i. Jala lam leleng gabe terbiasa ma hita mamakke bukku i manstudihon halak. Songon na nidok ni sahalak perintis, metode marsiajar na baru sisongon on “lebih dinikmati parsiajar Bibel, songon i nang guru studina”.

14. Songon dia do asa toktong hita semangat mangalului studi nang pe godang na so berminat? Jala songon dia do 1 Korint 3:6, 7 patoguhon hita?

¹⁴ Maol mambahen studi ala dang godang na berminat di daerahta. Godang do ra halak na so berminat di daerahta bahkan na so marlomo ni roha tu barita na tapasahat. Molo songon i, boha do carana asa boi hita toktong semangat mangalului studi? Taingot ma, boi do hatop muba situasi ni sasahalak. Adong do na sebelumna menolak, alai ala muba situasi ni ngoluna, gabe olo do ibana mambege baritatta i. (Mat. 5:3) Adong do halak na so hea olo manjalo publikasitta. Alai ujungna gabe olo do ibana marsiajar Bibel. Jala taboto do, Jahowa do Nappuna sisabion i. (Mat. 9:38) Memang lomo do rohana asa torus hita manuan dohot maniram. Alai taingot ma, Jahowa do na mambahen i tubu. (1 Kor. 3:6, 7) Molo nga berupaya hita mangalului studi, alai tetap dope dang adong studitta unang pola metmet rohatta. Toktong do dipasu-pasu Jahowa upayatta i!b

15. Boha do perasaan ni Jahowa tikki diida Ibana adong na olo marsiajar Bibel?

¹⁵ Massai las do roha ni Jahowa molo adong na olo marsiajar Bibel, jala dohot ibana paboahon hasittongan i tu halak na asing. (Poda 23:15, 16) Pasti las hian do muse roha ni Jahowa mangida hita ala semangat marbarita na uli dohot mangajari! Misalna nang pe masa pandemi, saleleng taon dinas 2020 adong do 7.705.765 parsiajar Bibel, jala adong do muse 241.994 halak na tardidi. Jala akka donganta na baru tardidi on, dohot ma muse mambahen studi. Ujungna gabe lam godang ma na tardidi. (Luk. 6:40) Takkas ma ulaonta mambahen sisean on, pasti mambahen las roha ni Jahowa.

16. Cita-cita aha do na boi tabahen?

¹⁶ Memang dang mura mangalului studi. Alai molo diurupi Jahowa do hita, boi do adong studitta. Jadi tabahen ma targetta asa adong apala sada studitta. Molo berupaya do hita mamakke tiap kesempatan lao manogihon sasahalak marsiajar Bibel, pasti adong do hasilna. Pos ma rohatta, pasu-pasuon ni Jahowa do sude upayatta i.

17. Songon dia do perasaanta molo adong studitta?

¹⁷ Sada tugas na istimewa do marbarita dohot mangajarhon hasittongan tu akka halak. Jala karejo na mambahen las ni roha do i. Las ni roha i do na dihilala si Paulus ala godang do halak Tessalonik na diurupi ibana gabe halak Kristen. Didok ibana, “Ai molo dang hamu, ise be huroa na mangurupi hami marpos ni roha jala marlas ni roha? Jala molo dang hamu, ise ma na gabe mahkota hasangaponnami di jolo ni Tuan Jesus di harorona i? Tutu, hamu do hasangaponnami dohot las ni rohanami.” (1 Tes. 2:19, 20; Ul. 17:1-4) Godang do donganta saonari na makkilala las ni roha sisongon i. Misalna donganta si Stéphanie dohot suamina na mangurupi godang halak gabe tardidi. Didok ibana, “Las hian do roha molo boi niurupan sasahalak mangalean diri tu Jahowa.”