PELAJARAN 37
Boha do Didok Bibel taringot Karejo dohot Hepeng?
Hea do marsak hamu ala mamikkiri karejomuna manang mamikkiri hepeng? Memang dang mura mangalului kebutuhatta huhut manjaga hubungatta tu Jahowa. Alai adong do nasehat na denggan na dipaboa Bibel na boi mangurupi hita.
1. Aha do na didok Bibel taringot karejo?
Lomo do roha ni Debata asa tanikmati karejotta. Bibel mandok, “On do na dumenggan bahenon ni jolma . . . marlas ni roha alani sude halojaonna.” (Parjamita 2:24) Jahowa pe pekerja keras do. Jadi molo rajin hita karejo, las ma roha ni Debata jala boi do on mambahen hita merasa puas.
Memang penting do karejo. Alai unang ma gabe uppetting i sian hubungatta tu Jahowa. (Johannes 6:27) Alana marjanji do Debata molo tautamahon Ibana di ngolutta, lehononna do na porlu di hita.
2. Boha do seharusna pandangatta taringot hepeng?
Nang pe didok Bibel ‘parlinggoman do hepeng’, alai dang boi holan hepeng mambahen las rohatta. (Parjamita 7:12) Jadi, unang ma holan hepeng na sai tapikkiri, alai ‘las ma rohatta tu akka na adong di hita’. (Jaha Heber 13:5.) Molo las rohatta tu akka na adong di hita, dang marsak hita ala holan mamikkiri hepeng. Dang olo hita marutang molo dang porlu. (Poda 22:7) Jala dang olo hita mangulahon ulaon na berbahaya holan alani hepeng, contohna marjuji manang mangihutton bisnis na beresiko asa hatop mamora.
3. Songon dia do carana patuduhon kemurahan hati mamakke hepengta?
Debata na murah hati do Jahowa. Jala na maniru Ibana do hita molo ‘rade mangalehon sian las ni rohatta, jala olo marbagi tu na asing’. (1 Timoteus 6:18) Boi do tapakke hepengta lao mangurupi akka ulaon ni organisasi dohot mangurupi akka halak, tarlumobi ma akka dongan sahaporseaon. Dang alani godang ni hepeng na talehon na diida Jahowa. Alai molo olo hita mangurupi sian ias ni rohatta, pasti las ma rohatta jala las ma roha ni Jahowa.—Jaha Ulaon ni Apostel 20:35.
ASA LAM TAATTUSI
Taida ma aha do manfaatna molo seimbang pandangatta taringot karejo jala merasa puas hita.
4. Boi do caramuna karejo pasangappon Jahowa
Molo jonok hubungatta tu Jahowa, ikkon tarida do i sian caratta karejo. Putar ma VIDEO, dung i bahas ma sukkun-sukkun on:
Di video i, songon dia do sikap ni si Jason diida hamu di tempat karejona?
Aha ma na diulahon ibana na patuduhon seimbang do pandanganna taringot karejo?
Jaha Kolosse 3:23, 24, dung i bahas ma sukkun-sukkun on:
Aha ma na ikkon taingot sian ayat on tikki karejo?
Memang penting do karejo. Alai unang ma gabe uppetting i sian hubungatta tu Jahowa
5. Puas ma hita tu akka na adong di hita
Godang do halak na satonga mate karejo holan lao papunguhon hepeng. Alai didok Bibel unang ma songon i hita. Jaha 1 Timoteus 6:6-8, dung i bahas ma sukkun-sukkun on:
Menurut ayat on aha ma na porlu taulahon?
Nang pe pogos hita, boi do hita marlas ni roha. Putar ma VIDEO, dung i bahas ma sukkun-sukkun on:
Aha do na mambahen las roha ni akka keluarga on nang pe pogos nasida?
Alai boha ma molo dang marna puas hita hape nungnga godang hepengta? Dipaboa Jesus do sada perumpamaan lao patuduhon berbahaya do sifat sisongon i. Jaha Lukas 12:15-21, dung i bahas ma sukkun-sukkun on:
Aha do na boi taparsiajari sian perumpamaan ni Jesus i?—Ida ayat 15.
Jaha jala bandingkon ma Poda 10:22 dohot 1 Timoteus 6:10. Dung i bahas ma sukkun-sukkun on:
Aha do na paling penting di hamu? Hubunganmuna tu Jahowa do manang hepeng? Boasa i na paling penting di hamu?
Aha do akibatna molo holan na sai mangalului hepeng hita?
6. Lehonon ni Jahowa do na porlu tu hita
Tikki adong tantangan di tempat karejo manang tikki dang adong hepengta, boi do gabe tarida mangasahon Jahowa do hita manang na dang. Putar ma VIDEO asa boi taboto aha na ikkon taulahon tikki masa situasi na songon i tu hita. Dung i bahas ma sukkun-sukkun on:
Di video i, masalah aha do na dihadapi donganta i?
Boha do carana menghadapi masalahna i?
Jaha Mateus 6:25-34, dung i bahas ma sukkun-sukkun on:
Aha do janji ni Jahowa molo tabahen Ibana gabe na uppetting di ngolutta?
ADONG DO NA MANDOK: “Dang boi au taratur marpungu. Alana ikkon kerja keras do au massari tu keluargakku.”
Molo diutamahon hamu Jahowa di ngolumuna, ayat na dia ma na paposson rohamuna pasti lehononna do na porlu di hamu?
KESIMPULAN
Penting do memang karejo dohot hepeng. Alai unang ma gabe mandao hita sian Jahowa alani i.
Tinjauan
Boha do carana asa seimbang pandangatta taringot karejo?
Aha do manfaatna molo puas hita tu akka na adong di hita?
Pos do rohamuna boi Jahowa paradehon na porlu di hamu? Aha do buktina na pos rohamuna tu janji ni Jahowa?
LULUI MA
Boasa didok Bibel urat ni nasa hajahaton do hepeng?
Boha do carana asa las roha ni Debata tikki mangalehon hadiah hita?
Sala do marjuji?
Aha do na boi mambahen sahalak parjuji dohot panakko muba?
“Lomo Hian do Au Martaru di Balap Kuda” (Joujou Paboahon, 1 November 2011)