Boi do Mangolu Muse Keluargatta dohot Donganta Naung Mate!

Molo adong keluargatta manang donganta na mate, pasti lungun do rohatta. Alani i ma didok Bibel hamatean i dos songon musu. (1 Korint 15:26) Di Pelajaran 27, nungnga taparsiajari lao ditaluhon Jahowa do musu on. Alai boha ma akka halak naung mate i? Di pelajaran on, lao taparsiajari ma sada janji ni Jahowa na mambahen las rohatta. Lao dipahehe Ibana do marmiliar halak naung mate, jala boi ma nasida mangolu saleleng ni lelengna. Alai toho do i boi terjadi? Didia do halak na dipahehe i mangolu, di surgo do manang di tano on?

1. Aha do na lao bahenon ni Jahowa tu halak na tahaholongi naung mate?

Masihol do Jahowa tu akka halak naung mate. Alani i ma lao dipahehe Ibana do nasida haduan. Najolo, adong naposo ni Debata na margoar si Job. Pos do rohana molo tung pe mate ibana, dang lupahonon ni Debata ibana. Didok ibana do tu Debata, “Jouonmu ma au, jala alusakku ma Ho [sian Kuburan].”—Jaha Job 14:13-15.

2. Aha do buktina boi mangolu muse halak naung mate?

Tikki di tano on Jesus, dilehon Jahowa do huaso tu ibana lao pahehehon akka halak naung mate. Dipahehe Jesus do sahalak borua na marumur 12 taon. Jala dipahehe ibana do anak ni sahalak ina na mabalu. (Markus 5:41, 42; Lukas 7:12-15) Asing ni i dipahehe Jesus do tong donganna naung mate na margoar si Lasarus. Nang pe nungnga mate si Lasarus jala nungnga opat ari ibana dikubur, alai boi do ibana mangolu muse. Dung martangiang Jesus tu Debata, didok ibana ma, “Lasarus, kaluar ma ho!” Dung i “kaluar ma na mate i” jala mangolu muse! (Johannes 11:43, 44) Pasti las do roha ni keluarga ni si Lasarus dohot akka donganna tikki i!

3. Aha do na lao bahenon ni Jahowa tu halak na tahaholongi naung mate?

Didok Bibel, ‘Na lao dipahehe Debata do halak naung mate.’ (Ulaon ni Apostel 24:15) Dang tu surgo akka halak na dipahehe Jesus najolo. (Johannes 3:13) Alai di tano on do nasida mangolu muse jala las do roha ni nasida. Dos songon i ma, lao dipahehe Jesus do haduan marmiliar halak naung mate. Jala mangolu saleleng ni lelengna ma nasida di paradeiso di tano on. Didok Jesus lao dipahehe do sude “na di kuburan”, termasuk ma akka halak naung mate na so diingot halak be. Alai pasti diingot Debata do nasida jala paheheonna do nasida haduan.—Johannes 5:28, 29.

ASA LAM TAATTUSI

4. Boi do dipahehe Jesus halak na mate

Jaha ma aha do na dibahen Jesus tu donganna naung mate na margoar si Lasarus. Jaha Johannes 11:14, 38-44, dung i bahas ma sukkun-sukkun on:

• Toho do memang mate si Lasarus tikki i?—Ida ayat 39.

• Molo toho do tu surgo si Lasarus, menurut hamu na dipaksa Jesus do ibana turun sian surgo asa mangolu muse di tano on?

Putar ma VIDEO.

VIDEO: Dipahehe Jesus do si Lasarus (1:16)

5. Godang do halak na lao dipahehe!

Jaha Psalmen 37:29, dung i bahas ma sukkun-sukkun on:

• Didia do mangolu haduan halak naung dipahehe i?

Dang holan halak na manomba Jahowa na lao dipahehe Jesus. Jaha Ulaon ni Apostel 24:15, dung i bahas ma sukkun-sukkun on:

• Naeng pajuppang dohot ise ma hamu haduan molo nga dipahehe halak naung mate?

Pikkirhon ma on: Dang ulaon na maol di Jesus pahehehon na mate. Dos ma i songon sahalak ama na mandungoi anakna

6. Boi do janji taringot haheheon mangapuli rohatta jala paposson rohatta

Molo mate halak na tahaholongi, boi do tarapul rohatta manjaha taringot boru ni si Jairus na disurat di Bibel. Jaha ma ceritana di Lukas 8:40-42, 49-56.

Sebelum dipahehe Jesus boru ni si Jairus, didok Jesus do tu si Jairus, ‘Unang pola mabiar ho. Alai porsea ma ho.’ (Ida ayat  50.) Boasa janji taringot haheheon boi mangurupi hamu . . .

• tikki mate halak na dihaholongi hamu?

• tikki adong situasi na mengancam nyawamuna?

Putar ma VIDEO, dung i bahas ma sukkun-sukkun on:

VIDEO: Boasa Pangkirimon tu Haheheon Mambahen Hita Gabe Barani? (3:21)

• Aha do manfaatna ala sai diingot natua-tua ni si Phelicity janji taringot haheheon?

KESIMPULAN

Didok Bibel lao dipahehe do marmiliar halak naung mate. Lomo do roha ni Jahowa mangolu muse halak naung mate. Jala dilehon Ibana do huaso tu Jesus lao pahehehon nasida.

Tinjauan

• Boasa dipahehe Jahowa dohot Jesus halak naung mate?

• Didia do mangolu haduan marmiliar halak naung dipahehe, di surgo do manang di tano on? Boasa didok hamu songon i?

• Boasa pos rohamuna na lao mangolu do muse halak na dihaholongi hamu?

LULUI MA

Molo adong donganta na mate keluargana manang donganna, aha ma na boi taulahon lao mangurupi ibana?

“Bantuan tu Halak na Berduka” (Dungo ma! No. 3 2018)

Boi do Bibel mangurupi halak na lungun rohana ala mate keluargana manang donganna?

Boha do Molo Mate Keluarga manang Donganmuna? (5:06)

Songon dia do carana asa unang sedih be dakdanak molo adong na mate?

Tobusan (2:07)

Adong do halak na dipahehe tu surgo? Akka ise ma na so dipahehe?

“Aha do Maksudna Halak na Mate Dipahehe?” (Artikel web)